Serial voqealari Lobarning erining sirli o’limi bilan boshlanadi. Bunda Lobar erining biznes sheriklari, shu bilan birga qarindoshlari Jafar va Sattorlardan shubha qiladi

AYOL QASOSI

Serial voqealari Lobarning erining sirli o’limi bilan boshlanadi. Bunda Lobar erining biznes sheriklari, shu bilan birga qarindoshlari Jafar va Sattorlardan shubha qiladi. Lobar bir necha bor ulardan gumondaligini aytib, IIB hodimlarga aloqaga chiqadi. Ammo asos yo’qligi uchun IIB tomonidan e’tiborsiz qoldiriladi. Shundan so’ng Lobar barchasiga o’zi yechim topib, qasos olish maqsadida, o’zi izlanishga kirishadi. Bu orada Jafar va uning onasi Saltanat opa ikkala sheriklari Sattor va erini ulushiga egalik qilayotgan, Lobarni o’yindan chiqarish maqsadida hiyla yo’li bilan, chetga chiqarilgan katta qismli tovarlarini talon-taroj qilingani haqidagi uydurmani o’ylab topishadi. Shu bahonada Lobar va Sattorni hamma hissalardan mahrum qilib, butun bor-budlaridan ayirishadi. Bo’lib o’tgan voqealar Lobarning g’azablanishi, nafrati oshishiga sabab bo’ladi. Ammo oraga Qosim aka obrazi kirib, Lobarga jahl bilan emas, aql bilan ish tutushini masalahat beradi. Qosim aka Lobarning marhum eri Sanjarning ustozi hisoblanardi. Shundan so’ng Lobar makkorlik yo’liga o’tib, Jafar va uning onasiga bosh egib, ularga do’stdek ko’rsatib, oralariga kirib oladi.

Lobar dastlab ishini Jafar va uning onasi Saltanat opani bir-biriga qayrab, oralarini buzishdan boshlaydi. Jafar Lobarning shirin so’zlariga laqqa tushib onasiga qarshi chiqib uydan ketib yuboradi. Bu bilan chegaralanmagan Lobar Saltanat opa va Jafarning avvalgi qilgan nojuya ishlari va kirdikorlarini fosh qilish maqsadida dastlab, amallab, ularning uyiga joylashib oladi va ichkaridan yemirishni boshlaydi. Oxir-oqibatda ona-bolaning barcha ishlarini fosh qilishga erishadi. Saltanat opa aqldan ozib, ruhiy kasalliklari shifoxonasiga yotqiziladi. Jafar esa ayblarini tan olishga majbur bo’lib qamaladi.

Serial davomida Saltanat opaning razil maqsadlariga erishishiga yordam bergan uning sinlisi Zamira obrazi va o’z qilmishlari qurboni bo’lishi, Zubayda eri Jafarning mol-mulklarini o’zlashtirishi va hech vaqosiz qoldirib, qochib ketish ham ko’rsatiladi. Serialda ezgulik va halol mehnatning afzalliklari ochib beriladi.