Reja: I. Kirish II

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI

“Gazlardagi izojarayonlar” mavzusidagi

KURS ISHI

Toshkent – 2020

Reja:
I. Kirish
II. Asosiy qism
1. Termodinamikaning asosiy elementlari.
2. Asosiy termodinamik holat parametrlari.
3. Gazlardagi izojarayonlar.
4.Termodinamika birinchi qonunining izojarayonlarga tatbiqi. Izojarayonlarda gazning bajargan ishi.
III. Xulosa
Foydalanilgan adabiyotlar
Izohli lugʻat

Kirish
Mavzuning dolzarbligi. Mustaqil O‘zbekiston Respublikasining ravnaqi ko‘p jihatdan oliy o‘quv yurtlari va oʻrta maxsus ta’lim yo‘nalishidagi akademik litsey va kasb-hunar kollejlari tayyorlab berayotgan mutaxassislarning bilimi va ularning egallagan malaka hamda ko‘nikmalariga bogʻliq. Chunki, bu yosh mutaxassislaming olgan bilimlari ta’lim standartlari talabi darajasida bo‘lgandagina ular ta’lim-tarbiya berishdan boshlab ishlab chiqarishdagi turli-tuman texnologik jarayonlarni boshqarishgacha bo‘lgan murakkab va mas’uliyatli vazifalarni bajarishda faol qatnasha oladilar.
Mustaqllikning dastlabki yillaridan boshlab o‘rta-maxsus, kasb-hunar ta’limi muassasalarini malakali, pedagogik va amaliy ish tajribasiga ega bo‘lgan rahbar va o‘qituvchi kadrlar bilan yanada mustahkamlash ishlari davom ettirildi.
Negaki, farzandlari bilimli, ilmli yurtgina qudratli boʻla oladi, har bir sohada ulkan natijalarga erishadi. Shu sababli ta’lim tizimida olib borilayotgan islohotlar va yangiliklar butun dunyo hamjamiyati tomonidan ham yuqori baholanmoqda.
Yoshlarimiz ham iste’dod, bilim va intellektual salohiyat bobida hech kimdan kam bo‘lmaslikka intilmoqdalar. Bu albatta, yurtimizda navqiron avlod vakillarini har tomonlama qo‘llab-quvvatlash, ularning iqtidorini kashf etish va yuzaga chiqarishga yuksak e’tibor qaratilayotganligi samarasidir. Zero, yutimizda Prezidentimiz Shavkat Mirziyoyev boshchiligida “Kadrlar tayyorlash milliy dasturi”ga muvofiq, umumta’lim maktablaridan tortib, o‘rta maxsus kasb-hunar o‘quv maskanlarigacha – barchasida ta’limning yangicha, o‘ziga xos uslublari joriy qilindi. Bu islohotlar esa intiluvchan yoshlarning yutuq hamda muvaffaqiyatlarga erishishini ta’minlash, jamiyatning turli jabhalarida xizmat qiladigan yetuk malakali mutaxassislar tayyorlashda beqiyos ahamiyat kasb etmoqda.
“Kadrlar tayyorlash milliy dasturi”da o‘quv jarayoniga ilg‘or pedagogik texnologiyalarni joriy qilish va berilayotgan bilimni o‘quvchilar ongida mustahkam o‘zlashtirilishiga erishish qayta-qayta ta’kidlab o‘tilgan. Bugungi kunda fizika fani o‘qitish jarayoni o‘zining strukturaviy tuzilishi jihatidan murakkab hisoblanib, u o‘qituvchining har bir mavzu uchun alohida tayyorgarligiga va qo‘yilgan mavzuni ilmiy asoslangan holda yetkazilishiga bog‘liq.
Fizika o‘qitish jarayonida o‘quvchilarning nazariya va amaliyot birligini ta’minlagan holda o‘qitish hamon dolzarb masala bo‘lib qolmoqda. Bu borada keng qamrovli ishlar qilinmoqda. O‘quv xonalar qayta jihozlanayotganligi, kompyuter vositalari bilan ta’minlanayotganligi, masofaviy ta’lim, qo‘llanmalarning elektron versiyalari, multimediya variantlarining yaratilayotganligi shular jumlasidandir. Shunday bo‘lishiga qaramay, ko‘pchilik hollarda ma’ruzada berilayotgan bilim ko‘lami faqat nazariyadan iborat bo‘lib, uni qo‘llay bilishga va o‘quvchini fanga qiziqtirish yo‘llariga e’tibor qilinmaganligini ko‘ramiz. Yuqoridagilarni e’tiborga olgan holda o‘quvchilarni fanga qiziqishini shakllantirish yo‘llari dolzarb masala boʻlib qolmoqda.