Режа: I. Кириш II. Асосий кисм

Ўзбекистон Республикаси фармацевтика бозорида истеъмолчилар ҳуқуқини ҳимоялаш ва дори воситаларини қалбакилаштиришнинг олдини олиш.

Режа:
I.КИРИШ
II.АСОСИЙ КИСМ
2.1Фармацевтика бозорида истеъмолчилар ҳуқуқини ҳимоялашнинг асосий тамоили - дори воситаларининг сифати ва безарарлигини таъминлаш.
2.2Ўзбекистон Республикаси фармацевтик бозорида дори воситаларини қалбакилаштириш муаммоси ва унинг ҳолати.
2.3Дори воситаларининг қалбакилаштирилишига таъсир кўрсатувчи омиллар.
2.4Қалбаки дори воситалари ҳақида тушунча ва уларни таснифланиши.
III.ТАЖРИБА КИСМ
3.1Қалбаки дори воситаларининг стандартга мувофиқ келмаслик кўрсаткичлари.
3.2 Ўзбекистон Республикаси фармацевтик бозоридаги дори воситаларини қалбакилаштиришнинг олдини олиш чора-тадбирлари.
IV. ХУЛОСА
V.АДАБИЁТЛАР


КИРИШ

Фармацевтика бозорида истеъмолчилар ҳуқуқини ҳимоялашнинг асосий тамоили - дори воситаларининг сифати ва безарарлигини таъминлаш

Фармацевтика бозорида истеъмолчилар ҳуқуқини ҳимоялашнинг асосий тамоили дори воситаларининг сифати ва безарарлигини таъминлашдир. Ўзбекистон Республикасининг 1996 йил 26 апрелда чиқарилган “Истеъмолчиларнинг ҳуқуқларини ҳимоя қилиш тўғрисида”ги қонунига асосан харид қилинаётган товарларнинг сифати ва безарарлигини таъминланиб берилиши - истеъмолчиларнинг асосий ҳуқуқи бўлиб ҳисобланади.
Дори воситаларининг сифатини таъминлаш - муҳим тиббий-ижтимоий ва иқтисодий муаммо бўлиб, дори воситаларини яратилишидан то бевосита истеъмолчига етиб боришигача бўлган ҳамма босқичларда турли омиллар мажмуини ҳисобга олишни талаб қилади. Турли муассасалар - ишлаб чиқарувчи корхоналар, даволаш- профилактика муассасалари, дори воситалар билан улгуржи ва чакана савдо қилувчи ташкилотлар дори воситалари сифатини таъминлашга ўз ҳиссаларини қўшадилар. Дори воситаларини бозорга чиқаришда асосий кўрсаткичлар бўлиб уларнинг сифатлилиги, самарали ва безарар бўлиши керак.

Бозор муносабатлари шароитида дори воситалари сифатини назорат қилиш давлат томонидан тартибга солиниши зарур бўлиб, бу дори воситалари сифатини баҳолашда ягона давлат сиёсати таъминланиши ва

истеъмолчиларнинг ҳуқуқ - манфаатларини ҳимоя қилиш мақсадида амалга оширилади.
Кўпчилик мамлакатларда дори воситаларининг сифати бевосита давлат органлари томонидан назорат қилинади. Охирги йилларда дори восита сифатини кафолатлашга қаратилган бир қанча зарур чора тадбирлар ишлаб чиқилмоқда. Ресурсларни бир тизимга келтириш ва ҳамкорликдаги ҳаракатлар дори воситалари сифатини таъминлашнинг самарали концепциясини шакллантиришга имконият яратди.