Раҳбар фаолияти натижаларига таъсир этувчи қуйидаги омилларни аниқлаш имконини берди: раҳбарнинг кутувлари ва эхтиёжлари; жамоада ўраб турган ва унга таъсир этувчи маданий муҳит; бошқарув фаолияти ўтаётган ташкилот тарихи

Раҳбар фаолияти натижаларига таъсир этувчи қуйидаги омилларни аниқлаш имконини берди: раҳбарнинг кутувлари ва эхтиёжлари; жамоада ўраб турган ва унга таъсир этувчи маданий муҳит; бошқарув фаолияти ўтаётган ташкилот тарихи; раҳбарнинг ёши ва тажрибаси ҳамда ушбу лавозимдагини стажи; жамоа аъзолари миқдори, жамоанинг ривожланганлик даражаси ва ундаги психологик муҳит; ходимларнинг шахсий хусусиятлари; қарор қабул қилиш учун бериладиган вақт; жамоа раҳбарнинг хусусияти ва унинг бошқарув услубига мослиги. Вазиятли ёндашув асосида Ю. Н. Емельянов лидерни аниқлаш учун учта детерминантанинг ўзаро таъсирини ўрганишни таклиф этади37: 1. Лидер (унинг шахсий сифатлари, ўз-ўзини англаши, мақсадга эришишни таъминловчи перцептив имкониятлари ва ресурслари). 2. Унинг шериклари (давомчилари). 3. Лидер ва унинг давомчилари ўртасидаги муносабат вазиятининг контексти. Айнан шу учта куч иштирокида шакланган вазиятда лидерликнинг асл табиати намоён бўлиши мумкин деб таъкидланади. Вазиятли ёндашув раҳбарнинг турли вазиятларда самарали фаолият юритишини таъминловчи қатор шахсий хислатларни аниқлаш имконини беради. Бундай хислатлар қаторига раҳбарлик услубини вазиятга мос равишда ўзгартира олиш қобилияти, ноаниқликларга чидамлилик, стереотипларнинг қатъийлашмаганлиги кабилардир. Юқоридаги ёндошувларни умумлаштирган ҳолда таъкидлаш мумкинки, раҳбарларни баҳолашда улардаги шахсий хислатларнинг ташкилот хусусияти, жамоага, фаолият структураси ва талабига, профессионал муҳитдаги бугунги ва прогнозлаштирилаётган ҳолатга мос келишига эътибор қаратиш лозим.