Prezident Shavkat Mirziyoyev 20-may kuni Alisher Navoiy nomidagi Oʻzbekiston Milliy bogʻida barpo etilgan Adiblar xiyoboniga tashrif buyurdi

O‘zbekiston Respublikasi Prezidentining Qarori, 18.04.2017 yildagi PQ-2894-son ALISHER NAVOIY NOMIDAGI O‘ZBEKISTON MILLIY BOG‘I HUDUDIDA ADIBLAR XIYOBONINI BARPO ETISH TO‘G‘RISIDAgi qaroriga asosan
Prezident Shavkat Mirziyoyev 20-may kuni Alisher Navoiy nomidagi Oʻzbekiston Milliy bogʻida barpo etilgan Adiblar xiyoboniga tashrif buyurdi.
Bu boradagi reja 2017-yil 3-fevral kuni mazkur boqqa tashrif chogʻida begilangan edi. Oʻsha yili 18-aprelda davlatimiz rahbarining tegishli qarori qabul qilinib, xiyobonning meʼmoriy-gʻoyaviy loyihasi ishlab chiqildi.
Oʻtgan vaqt mobaynida qurilish va obodonlashtirish ishlari amalga oshirilib, 8 gektardan ziyod maydonda Adiblar xiyobonining yaxlit meʼmoriy ansambli yaratildi.
Ilgari bu yerda sanoqli adiblarimizning haykallari bor edi. Goʻyoki, Alisher Navoiydan soʻng isteʼdodli shoirlar yetishib chiqmaganday taassurot paydo boʻlardi.
Shu bois Adiblar xiyobonini gʻoyaviy-badiiy jihatdan yana-da boyitish maqsadida Bobur, Ogahiy, Berdaq, Muqimiy, Furqat, Behbudiy, Avloniy, Choʻlpon, Qodiriy, Toʻlepbergen Qayipbergenov, Ibroyim Yusupov, Aleksandr Faynberg singari atoqli namoyandalar xotirasiga bagʻishlangan yangi yodgorlik majmualari ham yaratildi.
Hazrat Navoiy bobomizning muhtasham haykali atrofida 20 dan ziyod atoqli shoir va adiblarning haykallari yaxlit meʼmoriy va badiiy kompozitsiyada, mantiqiy yechim asosida joylashtirildi. Shu yerda Yozuvchilar uyushmasi uchun bino barpo etilgani ham hamohanglik kasb etdi.
Yozuvchi va shoirlar, ziyolilar bilan uchrashuvda milliy adabiyotimizni rivojlantirishga qaratilayotgan eʼtibor, galdagi muhim vazifalar haqida soʻz bordi.
– Adabiyot xalqning yuragi, elning maʼnaviyatini koʻrsatadi. Bugungi murakkab zamonda odamlar qalbiga yoʻl topish, ularni ezgu maqsadlarga ilhomlantirishda adabiyotning taʼsirchan kuchidan foydalanish kerak. Ajdodlar merosini oʻrganish, buyuk madaniyatimizga munosib buyuk adabiyot yaratish uchun hamma sharoitlarni yaratamiz, – dedi Shavkat Mirziyoyev.
Yurtimizda ijodkorlarning asarlari doimiy ravishda chop etilyapti. Endi ularni dunyoga olib chiqish kerakligi taʼkidlandi.
Masalan, Alisher Navoiy, Mirzo Bobur, Abdulla Qodiriy, Choʻlpon singari ijodkorlarning asarlari xorijiy tillarda nashr etilmoqda. Lekin bu ishlar tarjimonlarning oʻz tashabbusi va qiziqishi bilan boʻlyapti.
Bu borada Yozuvchilar uyushmasi tashabbuskor boʻlishi, Toshkent davlat oʻzbek tili va adabiyoti universiteti bilan birgalikda oʻzbek adabiyotining eng sara namunalarini turli tillarga tarjima qilib, nashr etishi zarurligi qayd etildi.
Adiblar xiyobonini adabiyot, maʼrifat va madaniyat maskaniga aylantirish, har bir adib haykalini muayyan oliy oʻquv yurtiga biriktirib, bu yerda ochiq darslar, maʼrifiy tadbirlar oʻtkazish boʻyicha tavsiyalar berildi. Xiyobon bilangina cheklanib qolmasdan, adiblar ijodini chuqur oʻrganish, ularning ibratli umr yoʻllari haqida kitoblar va filmlar yaratish, yangi asarlar yozish muhimligi taʼkidlandi.
– Mana, “zamonamiz qahramonlari”, deb koʻp gapiramiz. Bugun bu qahramonlar koronavirusga qarshi kurashayotgan fidoyi shifokorlarimiz, mard harbiylarimiz, saxovatli tadbirkorlarimiz, vatanparvar yoshlarimiz. Ularning jasorati haqida oʻqishni hammamiz xohlaymiz, – dedi Shavkat Mirziyoyev.
Adiblar xiyoboni manzil: “Alisher Navoiy nomidagi O‘zbekiston Milliy bog‘i hududida Adiblar xiyoboni
Adabiyot har bir xalqning oʻtmishi, buguni va kelajagini bogʻlovchi taʼsir kuchiga ega muhim vositadir. Unda har bitta millatning madaniyati, urf-odati, dunyoqarashi, maʼnaviyati aks etadi. Demak, adabiyot yashasa millat yashaydi, uning shaʼni ulugʻlanadi, qadriyatlari qadr topadi.
Shu bois mamlakatimizda adabiyot va sanʼatga alohida hurmat bilan yondashiladi. Uni rivojlantirish yoʻlida islohotlar tizimli ravishda olib borilmoqda. Bundan 3 yil oldin ana shunday maqsadlarga xizmat qiluvchi yana bir yirik loyihaga qoʻl urilgan edi. Davlatimiz rahbarining 2017-yil 18-aprelda Alisher Navoiy nomidagi Oʻzbekiston Milliy bogʻida Adiblar xiyoboni tashkil etish boʻyicha qarori qabul qilindi. Qarorga koʻra xiyobonning meʼmoriy-gʻoyaviy loyihasi ishlab chiqildi. Majmuaviy tarzda olib borilgan bunyodkorlik ishlari natijasida poytaxtimiz markazidagi Adiblar xiyobonining yaxlit meʼmoriy ansambli yaratildi. Bu tarixiy voqelik adabiyotimizni yana bir pogʻona yuksakka koʻtarishi bilan ahamiyatlidir.
Prezident mazkur maskanning ochilish marosimida Adiblar xiyobonini adabiyot, maʼrifat va madaniyat maskaniga aylantirish zarur ekanini taʼkidladi. Har bir adib haykalini muayyan oliy oʻquv yurtiga biriktirib, bu yerda ochiq darslar, maʼrifiy tadbirlar oʻtkazish boʻyicha tavsiyalar berildi.
Aytish mumkinki, xiyobon maʼnaviy jihatdan keng qamrovli boʻlib, u katta maqsadlar yoʻlida xizmat qiladi.
Sir emaski, bugun biz murakkab, turli tahlikalar boy boʻlgan bir zamonda yashamoqdamiz. Bunday davrda inson qalbiga yoʻl topish mushkuldir. Odamlarning dunyoqarashini boyitish, ezgu maqsad-gʻoyalarga ilhomlantirish uchun adabiyotdan keng foydalanish lozim. Uning taʼsiri natijasida, ayniqsa, farzandlarimiz ongini turli tahdidlar yot gʻoyalardan saqlashga erishamiz. Demak, maktablarda mahorat darslari, tanlovlar, noanʼanaviy oʻqitish uslublaridan samarali foydalanish, taʼlim-tarbiya jarayonida bolaga nafaqat bilim, balki estetik zavq bagʻishlab, darsga, fanga boʻlgan qiziqishini oshirishga xizmat qiluvchi yangiliklar joriy etish kerak.
Ayni paytda biz butun insoniyat boshiga tushgan pandemiyaga qarshi kurashish, iqtisodiy qiyinchiliklarni yengishimiz talab etiladi. Biroq bu mamlakatimizda boshqa sohalar nazardan chetda qoladi, degani emas. Ayniqsa, taʼlim-tarbiya sohasida yana-da katta masʼuliyatli vazifalar mavjud. Zotan, ilm bu maʼrifat, maʼnaviyat, bu insonning hayot-mamoti bilan bogʻliq boʻlgan jarayondir. Hozirgi murakkab vaziyatda Adiblar xiyobonining ochilishi hamda u yerda yaratilgan yuksak maʼnaviy meros obyektlari xalqimizning ruhiyatini koʻtarishga, yoshlarning kelajakka boʻlgan ishonchini mustahkamlashga xizmat qilishiga shubha yoʻq.
Shu oʻrinda Prezident, ijod va ixtisoslashtirilgan maktablarini rivojlantirish agentligi tizimidagi taʼlim dargohlarida yurtimizdagi malakali kadrlar hamda xorijlik mutaxassislar bolalarga interaktiv tarzda chuqurlashtirilgan bilim berishmoqda. Yangi barpo etilgan xiyobon esa isteʼdodli, ijodkor oʻquvchilarimiz uchun ham katta sovgʻa boʻldi.
Hazrat Navoiy bobomizning muhtasham haykali atrofida 20 dan ziyod atoqli shoir va adiblarning haykallari yaxlit meʼmoriy va badiiy kompozitsiyada, mantiqiy yechim asosida joylashtirildi. Shu yerda Yozuvchilar uyushmasi uchun bino barpo etilgani ham hamohanglik kasb etdi.
Bugungi yoshlar internetdan, elektron adabiyotlardan koʻproq foydalanishi inobatga olsak, milliy adabiyotimiz xazinasini internetda targʻib etish eng samarali usul hisoblanadi. Zamonaviy texnologiyalardan foydalangan holda adabiy portallar yaratish ham muhim vazifalardan sanaladi. Unda mumtoz va zamonaviy asarlarning elektron nusxalari, yozuvchi va adabiyotshunoslarning mahorat saboqlari jamlanadi. Portal oʻzbek, ingliz va rus tillarida faoliyat koʻrsatsa, undan xorijlik muxlis va mutaxassislar ham foydalanishi imkoniyati yaratiladi.