O’zbekiston Respublikasi Vazirlar mahkamasining 2021 yil 15 iyundagi 373-son qarorida belgilangan vazifalar ijrosini ta’minlash to’g’risida

O’zbekiston Respublikasi Vazirlar mahkamasining 2021 yil 15 iyundagi 373-son qarorida belgilangan vazifalar ijrosini ta’minlash to’g’risida

O’zbekiston Respublikasi Vazirlar mahkamasining 2021 yil 15 iyundagi “Raqamli iqtisodiyot va elektron hukumatning rivojlanish holatini reyting baholash tizimini yanada takomillashtirish chora-tadbirlari to’g’risida”gi 373-son qarorida belgilangan vazifalar ijrosini Fanlar akademiya tizimida ta’minlash maqsadida

BUYURAMAN:

1. 
   O’zbekiston Respublikasi Vazirlar mahkamasining 2021 yil 15 iyundagi “Raqamli iqtisodiyot va elektron hukumatning rivojlanish holatini reyting baholash tizimini yanada takomillashtirish chora-tadbirlari to’g’risida” 373-son qarori ijro uchun qabul qilinsin.
   
2. 
   Mazkur qarorga asosan:
   

1. 
   Tashkilotlar hamda hududlarni raqamli transformatsiya holatini reyting baholash jarayonlarini avtomatlashtirish uchun NIS.UZ idoralararo axborot tizimi (keying o’rinlarda – NIS.UZ-axborot tizimi) ishga tushirilganligi;
   
2. 
   Axborot texnologiyalari va kommunikatsiyalarini rivojlantirish vazirligi NIS.UZ-axborot tizimining egasi hisoblanishi hamda uning sifatli va uzluksiz faoliyat ko’rsatishi, texnik qo’llab-quvvatlash bo’yicha ishlarni doimiy ravishda o’tkazib borishi;
   
3. 
   Tashkilotlar hamda hududlarda raqamli transformatsiya holatini reyting baholash har uch oy yakunlari bo’yicha amalga oshirilishi va uning natijalari “Raqamli O’zbekiston- 2030” strategiyasini amalga oshirish bo’yicha muvofiqlashtiruvchi komissiya yig’ilishlarida tanqidiy muhokama qilinishi;
   
4. 
   Tashkilotlar tomonidan noto’g’ri yoki buzib ko’rsatilgan ma’lumotlarni NIS.UZ-axborot tizimiga kiritilganligi, shuningdek, ularni o’z vaqtida kiritilmaganlik holatlari aniqlanganda, tegishli rahbarlarga nisbatan intizomiy choralar qo’llanishi belgilanganligi ma’lumot uchun qabul qilinsin.
   

3. 
   FA bosh ilmiy kotibi (G.A. Baxadirov), axborot kommunikatsiya texnologiyalari sektori (N.B.Tilovov):
   

1. 
   Har hisobot davri yakunidan keying oyning 15 sanasiga qadar Fanlar akademiyasi to’g’risidagi ishonchli ma’lumotlarni NIS.UZ-axborot tizimiga o’z vaqtida kiritilishini ta’minlansin;
   
2. 
   Har chorakda zaruriyatga muvofiq NIS.UZ-axborot tizimida e’lon qilingan natijalarga asosa ko’rsatkichlarni ko’tarish bo’yicha zarur choralarni ko’rsin.
   

4. 
   Axborot kommunikatsiya texnologiyalari sektori (N.B.Tilovov) reyting baholash axborot tizimiga ma’lumotlarni kiritishga ma’sul xodim etib belgilansin.
   
5. 
   FA tegishli bo’limlari, ilmiy-tadqiqot muassasalari va tashkilotlar rahbarlari:
   

1. 
   Zarurat bo’lganda Axborot kommunikatsiya texnologiyalari sektori (N.B.Tilovov)ga NIS.UZ-axborot tizimiga kiritish uchun zarur ma’lumotlarni o’z vaqtida taqdim etib borsin;
   
2. 
   Qarorning 3-ilovasi “Davlat boshqaruvi organlari, xo’jalik birlashmasi va mahalliy ijro etuvchi hokimiyat organlarining rasmiy veb-saytiga qo’yiladigan asosiy talablar”dan kelib chiqib veb-saytlarini inventarizatsiya qilib, aniqlangan kamchiliklarni bartaraf etish yuzasidan tegishli choralar ko’rib borsin.
   

6. 
   Quyidagilarga:
   

1. 
   Qarorning 1-ilovasi “Davlat boshqaruv organlari, xo’jalik birlashmalari va mahalliy ijro etuvchi hokimiyat organlari hamda hududlarni raqamli transformatsiya holatini reyting baholash tartibi to’g’risida nizom”;
   
2. 
   Qarorning 2-ilovasi “Raqamli iqtisodiyot va elektron hukumatning rivojlanishni baholash, soha ko’rsatkichlari hisobini yuritishni samarali tashkil etish bo’yicha “yo’l xaritasi”;
   
3. 
   Qarorning 3-ilovasi “Davlat boshqaruv organlari, xo’jalik birlashmalari va mahalliy ijro etuvchi hokimiyat organlarining rasmiy veb-saytiga qo’yiladigan asosiy talablar”ga qat’iy rioya etib borilsin.
   

7. 
   FA yetakchi yuriskonsulti (X.M.Yadgarov), umumiy bo’lim (N.A.Abduraxmanova) qarorning 4-ilovasiga muvofiq O’zbekiston Respublikasi Hukumatining ayrim qarorlari o’z kuchini yo’qotganligini inobatga olib, Fanlar akademiyasi qabul qilingan normative-huquqiy hujjatlarga tegishli o’zgartirish kiritilishini ta’minlansin.
   
8. 
   Mazkur buyruq ijrosini nazorat qilishni o’z zimmamda qoldiraman.