Namangan davlat universitetida Oliy va o‘rta maxsus ta’lim vazirligining 2022-yil 30-apreldagi 5/19-30/04-95-sonli xati ijrosi yuzasidan ma’lumot

Namangan davlat universitetida Oliy va o‘rta maxsus ta’lim vazirligining 2022-yil 30-apreldagi 5/19-30/04-95-sonli xati ijrosi yuzasidan
MA’LUMOT
Oʻzbekiston Respublikasi Prezidentining 2022-yil 2-fevraldagi “Madaniyat va sanʼat sohasini yanada rivojlantirishga doir qoʻshimcha chora-tadbirlar toʻgʻrisida” PQ-112-son qarorida belgilangan tegishli respublika koʻrik-tanlovlari va festivallarini oʻtkazish tartiblarini tasdiqlash maqsadida Madaniyat vazirligi, Oliy va oʻrta maxsus taʼlim vazirligi, Xalq taʼlimi vazirligi, Mahalla va nuroniylarni qoʻllab-quvvatlash vazirligi, Oʻzbekiston Badiiy akademiyasi, Yoshlar ishlari agentligi, Oʻzbekiston Milliy teleradiokompaniyasi hamkorligida qoʻshma qarori imzolangan.
Oliy va o‘rta maxsus ta’lim vazirligining 2022-yil 30-apreldagi 5/19-30/04-95-sonli xati ijrosi yuzasidan Namangan davlat universitetida quyidagi ishlar amalga oshirildi. Namangan davlat universitetidagi barcha fakultetlarda 2022-yilning 5-may sanasiga qadar fakultet bosqichi tashkil qilindi. 11-may kuni Namangan davlat universiteti Axborot resurs markazida “Yangi O‘zbekistonni o‘zimiz, o‘z qo‘limiz bilan bunyod etamiz” shiori ostida respublika esselar tanlovining oliy ta’lim muassasasi bosqichi bo‘lib o‘tdi. Tanlovda barcha fakultetlardan jami 1369 nafar talabalar ishtirok etdilar. Ulardan 54 nafar talabalar saralanib olib, bugun universitet bosqichi o‘tkazildi. Tanlov g'oliblari kasaba uyushmasining pul mukofoti bilan taqdirlanadi.
16-may kuni tanlovning hududiy bosqichi tashkil etildi. Tanlovda Namangan viloyatidagi 3 ta oliy ta’lim muassasasidan 15 nafar talaba ishtirok etdi. Tanlov nizomiga ko‘ra “Yangi O‘zbekiston mening tasavvurimda” mavzusi yuzasidan esselar yozildi. Ushbu tanlov shaffof va adolatli o‘tkazish maqsadida Oliy ta’lim vazirligi huzuridagi Ma’naviyat va ma’rifat markazi matbuot va multimediya bo‘limi boshlig‘i Asomiddinova Izzatxo‘ja mas’ul etib belgilandi. Tanlov yuqori saviyada tashkil etildi.


Tanlov yakuniga ko‘ra Namangan davlat universiteti Jahon tillari fakulteti 2-bosqich talabasi Sulaymonova Anisa Yangi O‘zbekistonni o‘zimiz, o‘z qo‘llarimiz bilan bunyod etamiz! shiori ostidagi Respublika esselar tanlovining Namangan viloyati bosqichida faxrli 2- o‘rinni egalladi va Respublika bosqichiga yo‘l oldi. G‘oliblar viloyat kasaba uyushmasi tomonidan estalik sovg‘alari bilan taqdirlandilar.