Musiqa san'ati o‘zbek xalqining eng qadimgi san'at turlaridan biridir. Asrlar mobaynida og‘zaki an'anada avloddan-avlodga musiqa merosi davrma-davr saralanib kelgan

Musiqa san'ati o‘zbek xalqining eng qadimgi san'at turlaridan biridir. Asrlar mobaynida og‘zaki an'anada avloddan-avlodga musiqa merosi davrma-davr saralanib kelgan. O‘zbek musiqa merosi deganda biz mehnat va marosim kuylari, qo‘shiqlardan tortib murakkab doston, ashula, katta ashula va maqomni nazarda tutamiz. Tarixiy manbalar qadimga musiqa san'ati haqida ko‘pdan-ko‘p ma'lumotlar beradi.
Undan tashqari, musiqani tarixiy, nazariy va boshqa masalalari IX—XIX asrlarda Muso Xorazmiy, Forobiy, Ibn Sino, Safiudsin al-Urmaviy, Mahmud ash-Sheroziy, Abdul-qodir Marog‘iy, Abduraxmon Jomiy, Nadjmiddin Kavkabiy, Darvishali Changiy, Vojid Alixonlarning asarlarida tadqiq etilgan.
O‘zbek musiqa asarlarini 2 turga bo‘lish mumkin. Birinchisi, musiqa folklori: mehnat, marosim kuy, qo‘shiqlari, oddiy ashulalar. Ikkinchisi, professionalkasbiy musiqa: doston, katta ashula, murakkab shaklli ashula, cholg‘u kuylar, maqomlar.
Maktabgacha tarbiya muassasalarida musiqiy tarbiya — bu bir aniq maqsadga yo‘naltirilgan, ya’ni maktabgacha yoshdagi bolani estetik, axloqiy, aqliy rivojini amalga oshirish, bolani shaxs sifatida tarbiyalash, uni dunyoqarashini kengaytirish, o‘z iqtidorini namoyon qila olishga, estetik jihatdan musiqani tushunishga, unga ijodkorona yondasha olishga o‘rgatishdan iboratdir.