Mening orzum! Sizga aytsam,do'stlarim

Mening orzum!

Sizga aytsam ,do'stlarim,

Ochayin qulfin dilim.
Xuddi sizday mening ham,
Orzularim limmo-lim.

Istagim yurtimiz tinch,

Osmon musaffo bo'lsin,
Hamma bo'lib baxtiyor,
Ko'ngillar nurga to'lsin.

Yovuzlik, fisq-u fasod,

Tugab bitsin yomonlik.
Gullab-yashnagay ochun,
Mudom bo'lgay omonlik.

Hech bir inson orzusi,

Aslo bo'lmagay armon.
Go'zal, ezgu istaklar,
Ko'payaversin har on.

Shu o'rinda o'zim ham,

Yurtga xizmat qilayin.
Ota-onam, keksalar,
Duosini olayin.

Bo'layin eng sevimli,

Halol, fidokor ustoz.
O'quvchilar hurmatla,
Qilgaylar doim e'zoz.

Beray sifatli ta'lim,

Navoiylar yetishsin.
Ibn Sino, Ulug'bek,
Beruniylar yetishsin.

Rozi qilay xalqimni,

Ota-onam quvonsin.
Umidla boqqan ko'zlar,
Quvonchdan porlab yonsin.

Qizim, deb erkalagan,

Otam Hajga yuboray.
Dunyolar hadya etgan,
Onam Hajga yuboray.

Orzularim barchasi,

Ziyodila ushalgay.
Armon begona bo'lib,
Baxt yo'limga to'shalgay!