Mening onam dunyodir, Mehr to`la daryodir

Onam

Mening onam dunyodir,

Mehr to`la daryodir,
Zimistonda yo`limga
Nur to`shagan ziyodir.

Mening onam bir daraxt,

Jannatdir poyida taxt,
Men uchun bu dunyoda
Onam omad, onam baxt.

Ruxshona Rahimjonova

12-maktabning 7-sinf o`quvchisi

Bolaligim

Bolaligim, beboshligimni,
Yoddan chiqmas sho`x yoshligimni,
Ninachiga sirdoshligimni
Bugun juda-juda sog`indim.
Loydan qurga kichik uychamni,
Do`stim bilan yurgan ko`chamni,
Onam yopgan shirin kulchamni
Bugun juda-juda sog`indim.

Bog`da tutgan kapalagimni,

Yetti rangli kamalagimni,
Buvim o`rgan jamalagimni,
Bugun juda-juda sog`indim.

Sharqirab suv oqqan soyimni,

Tunda yorqin turgan oyimni,
Hovlimdagi saman toyimni
Bugun juda-juda sog`indim.

Onam tikkan oq ro`molchamni,

Otam ekkan jajji tolchamni,
Ukam bilan tergan olchamni,
Bugun juda-juda sog`indim.

Akam qurgan arg`imchog`imni,

Uzun sochli qo`g`irchog`imni,
O`sha onim, o`sha chog`imni,
Bugun juda-juda sog`indim. Zarina Umirboyeva 12-maktabning 8-sinf o`quvchisi
Vatan himoyasiga ko`ksi qalqon o`g`lonlar

Vatan bu-tog`. Bu tog ni yurakdagi cheksiz shijoat, ulkan jasorat bilangina zabt etish mumkin. Bu tog` bizni o`zidan uzoqlashtirmaydi, aksincha bag`riga olib, o`zining yuksak cho`qqilarini zabt etishimiz imkoniyat eshiklarini ochadi. Vatan-muqaddas tuproq. Uning har zarrasida beg`ubor bolalikdagi, navqiron yoshlikdagi barcha shirin xotiralar manguga muhrlanadi. Vatan-oila. Unda dunyolarga sig`maydigan mehr-muhabbatimiz, baxt-u saodatimiz, barchamizni bo`glab turuvchi sehrli bir rishta mujassamlashgan. Vatan-ona. Unda hech bir narsaga qiyoslab bo`lmaydigan tafti quyoshdanda qaynoq mehr bulog`i bor. Vatan-ota. U farzandi uchun dunyolarni olishga qodir.

Biz-chi? Biz Vatan uchun kimmiz? Uning uchun nimalarga qodirmiz? Uning tinchligi, buyuk kelajagi, gullab-yashnashi uchun qo`limizdan nimalar keladi? Hech bo`lmasa uni dushmanlardan himoya qila olamizmi…
Parvozga shay turgan burgutni ko`rganmisiz? Uning ko`z qarashlarini kuzatganmisiz? O`tkir nigohlari uzoqlarga qadalgan, qanotlari uchishga tayyor. Men bugun Vatan himoyasi uchun yurtimiz sarhadlarida turgan o`zbekning mard o`g`lonlarini ana shu burgutga qiyoslagim keldi. Bepoyon kengliklar bo`ylab, suvdami, samodami yoki quruqlikda burgutniki kabi o`tkir nigohidan hech bir tirik mavjudot chetda qolmay, xushyor va mag`rur turgan o`zbek og`lonining qalbidan uzoqdagi oilasi, ota-onasi, farzandlari va yaqinlariga bo`lgan sog`ichdan-da ustun turgan Vatanga sodiqlik, uning himoyasi uchun fidoyilik hissi bir zumga ham chekinmaydi. Unga bu sadoqat, burchga sodiqlik oiladan, ona allasidan, ota nasihati va yaqinlar mehridan singgan. Vatan himoyasi uchun ko`ksini qalqon qilishga shay turgan ana shu mard o`g`lonlar tufayli biz bugun oilamiz davrasida, ota-onamiz bag`rida baxtli yashayapmiz. Ular sabab tinch-osuda yurtda bilim olyapmiz. Barpo etilayotgan yangida yangi sayrgohlarda quvnab zavqlanyapmiz. Ularning uyqusiz tunlari, jasorati, shijoati tufayli dunyoning eng tinch mamlakatida bemalol orom olyapmiz. Shunday ekan, biz nega ularni olqishlamaylik,ularga tahsinlar aytmaylik. Aslida ular yilning har bir kuni, har bir soati, daqiqasida vatan himoyasidalar. Demak, har bir o`tgan kunni ularga bag`ishlasak, ularni e'tirof etsak arziydi.

Shahzoda Mirolimova

12-maktabning 10-sinf o`quvchisi
Vatan himoyasiga ko`ksi qalqon o`g`lonlar

Vatan bu-tog`. Bu tog ni yurakdagi cheksiz shijoat, ulkan jasorat bilangina zabt etish mumkin. Bu tog` bizni o`zidan uzoqlashtirmaydi, aksincha bag`riga olib, o`zining yuksak cho`qqilarini zabt etishimiz imkoniyat eshiklarini ochadi. Vatan-muqaddas tuproq. Uning har zarrasida beg`ubor bolalikdagi, navqiron yoshlikdagi barcha shirin xotiralar manguga muhrlanadi. Vatan-oila. Unda dunyolarga sig`maydigan mehr-muhabbatimiz, baxt-u saodatimiz, barchamizni bo`glab turuvchi sehrli bir rishta mujassamlashgan. Vatan-ona. Unda hech bir narsaga qiyoslab bo`lmaydigan tafti quyoshdanda qaynoq mehr bulog`i bor. Vatan-ota. U farzandi uchun dunyolarni olishga qodir.

Biz-chi? Biz Vatan uchun kimmiz? Uning uchun nimalarga qodirmiz? Uning tinchligi, buyuk kelajagi, gullab-yashnashi uchun qo`limizdan nimalar keladi? Hech bo`lmasa uni dushmanlardan himoya qila olamizmi…
Parvozga shay turgan burgutni ko`rganmisiz? Uning ko`z qarashlarini kuzatganmisiz? O`tkir nigohlari uzoqlarga qadalgan, qanotlari uchishga tayyor. Men bugun Vatan himoyasi uchun yurtimiz sarhadlarida turgan o`zbekning mard o`g`lonlarini ana shu burgutga qiyoslagim keldi. Bepoyon kengliklar bo`ylab, suvdami, samodami yoki quruqlikda burgutniki kabi o`tkir nigohidan hech bir tirik mavjudot chetda qolmay, xushyor va mag`rur turgan o`zbek og`lonining qalbidan uzoqdagi oilasi, ota-onasi, farzandlari va yaqinlariga bo`lgan sog`ichdan-da ustun turgan Vatanga sodiqlik, uning himoyasi uchun fidoyilik hissi bir zumga ham chekinmaydi. Unga bu sadoqat, burchga sodiqlik oiladan, ona allasidan, ota nasihati va yaqinlar mehridan singgan. Vatan himoyasi uchun ko`ksini qalqon qilishga shay turgan ana shu mard o`g`lonlar tufayli biz bugun oilamiz davrasida, ota-onamiz bag`rida baxtli yashayapmiz. Ular sabab tinch-osuda yurtda bilim olyapmiz. Barpo etilayotgan yangida yangi sayrgohlarda quvnab zavqlanyapmiz. Ularning uyqusiz tunlari, jasorati, shijoati tufayli dunyoning eng tinch mamlakatida bemalol orom olyapmiz. Shunday ekan, biz nega ularni olqishlamaylik,ularga tahsinlar aytmaylik. Aslida ular yilning har bir kuni, har bir soati, daqiqasida vatan himoyasidalar. Demak, har bir o`tgan kunni ularga bag`ishlasak, ularni e'tirof etsak arziydi.

Shahzoda Mirolimova

12-maktabning 10-sinf o`quvchisi