Mavzu: Turkistondagi mustamlakachilik siyosatining mohiyati va maqsadi. Reja

Mavzu: Turkistondagi mustamlakachilik siyosatining

mohiyati va maqsadi.

Reja:

1. 
   Chor Rossiyasining O‘rta Osiyodagi mustamlakachilik siyosatiga baho berish.
   
2. 
   Chor Rossiyasining siyosiy sohasining mahalliy aholiga ta’siri.
   
3. 
   Chor Rossiyasini iqtisod borasidagi siyosati oqibatlari.
   

Chor Rossiyasining O‘rta Osiyodagi mustamlakachilik siyosatiga baho berar ekanmiz, uning mezoni va metodologik asosini aniqlab olishimiz kerak. Albatta, mustabid davlat mustamlakachilik siyosatini yuritish jarayonida bosib olingan hududda qandaydir o‘zgarishlarni amalga oshiradi. Masalan, sanoat korxonalari, temir yo‘llar quradi, qishloq xo‘jaligining turli sohalariga e’tiborni kuchaytiradi va h.k. Ammo ushbu o‘zgarishlar inson omilidan ajratib tahlil qilinadigan bo‘lsa, xato xulosalarga olib kelishi, ya’ni ular taraqqiyot sifatida baholanishi mumkin. Respublikamizning mustaqillikka erishishi tufayli bir qancha tarixiy jarayonlar va shaxslarga, xususan buyuk davlatlarning mustamlakachilik siyosatiga ham munosabat o‘zgardi. Shu bois respublikamiz Prezidenti o‘z asarlarida mustamlakachilik siyosatining mohiyatini belgilaydigan bir necha mezonlarni asoslab berdi.