Mavzu: Pul oqimlari to’g’risidagi hisobot va uning tahlili Reja: Kirish Asosiy qism

Mavzu: Pul oqimlari to’g’risidagi hisobot va uning tahlili

Reja:
Kirish…….………………………………………………………………………..3
Asosiy qism……………………………………………………………..................5

1. 
   Pul oqimlari, pul oqimlari to’g’risidagi hisobotning mohiyati, tarkibi…………..…………………............................................................5
   
2. 
   Pul oqimlari to’g’risidagi hisobot tahlili ("Olmaliq kon Metallurgiya kombinati" aksiyadorlik jamiyati misolida”) …………………………14
   
3. 
   Pul oqimlari to’g’risidagi hisobotning milliy va xalqaro standarti va ularning farqi...…………………………………………………………..24
   

Xulosa…...……………….…….…………………………………...…………….29
Foydalanilgan adabiyotlar ro’yxati………………………………………….…30

Kirish


Mavzuning dolzarbligi. Bugungi kunda pul mablag’laridan oqilona foydalanish nafaqat korxona va tashkilotlar uchun, balki jismoniy shaxslar uchun ham kundalik hayotida muhim ahamiyat kasb etadi. Negaki, o’z oilamiz misolida aytadigan bo’lsak, kichik xo’jalik sifatida biz ham pul oqimlari to’g’risidagi hisobotni tayyorlaymiz. Faqat bizning oilalarda reja oylik uchun yoki haftalik uchun bo’ladi. Bizning oilaviy budjetga qancha pul bir kunda kirim bo’lyaptiyu, qanchasi shu kunning o’zida chiqib ketyapti – barchasini yozib, yozib bo’lmasa ham miyaga qayd qilib hisoblab boramiz. Bu bizga kelajakda pulga muhtoj bo’lib qolmasligimiz, tang ahvolga tushib qolishimiz mumkin bo’lgan vaziyatga yetib borib qo’ymasligimizdan ogoh qilib turadi. Xo’jalik yurituvchi subyekt misolida ham xuddi shunday fikrni ilgari surish mumkin. Masalan korxona vakillari jo’natilgan mahsulot, bajarilgan ish va ko’rsatilgan xizmatlar bo’yicha hisob-kitoblarni kunlik ravishda amalga oshirishlari kerak, aks holda ularning kontragentlar oldidagi majburiyati ortib ketishi va bu o’z navbatida korxonada moliyaviy holatning sustlashishiga va korxona natijaviyligiga salbiy ta’sirlar ko’rsatilishiga sabab bo’lishi mumkin. Shuning uchun ham korxonada pul mablag’larini ta’minlash va ularni to’gri boshqarish masalalariga jiddiy ko’z bilan qaramoq lozim.