Mavzu: Mustaqillik yillarida maktabgacha ta’lim tizimiga yangicha yondashuv. Reja

Mavzu: Mustaqillik yillarida maktabgacha ta’lim tizimiga yangicha yondashuv.


REJA:
1. Mustaqillik yillarida maktabgacha ta’lim tizimiga yangicha yondashuv.
2.Maktabgacha ta’limga doir farmon,qaror,va farmoyishlarni sohaga keng tadbiq etish usullari.


Mustaqillik yillarida yurtimizda ta’lim-tarbiya tizimini tubdan takomillashtirish, ertangi kunimizning munosib davomchilarini kamolga etkazishning mustahkam tashkiliy-huquqiy mexanizmi yaratildi. Sohaga oid qabul qilingan qator davlat dasturlariga binoan ko‘plab ta’lim muassasalari yangidan qurildi, eng zamonaviy o‘quv anjomlari bilan ta’minlandi. Bu boradagi ishlar bugungi kunda yanada jadal tus olmoqda. Dunyo taraqqiyoti shiddati barcha soha kabi ta’lim-tarbiya jarayoniga ham yangicha yondashuvni, innovatsion texnologiyalarni tatbiq qilishni taqozo etayapti.
Davlatimiz siyosatining ustuvor yo‘nalishlaridan biri hisoblangan ta’lim tizimida yangicha yondashuv, o‘zgarishlar va islohotlar jarayoni kechmoqda. Buning boisi, Vatanimizning ertangi taqdiri, istiqboli yosh avlod ta’lim–tarbiyasiga va egallayotgan kasb-koriga bog‘liqdir.
Mustaqilligimizning 29 yilligi davrida davlatimiz bosh reformator sifatida barcha sohalarni tubdan isloh etdi, eng asosiysi inson qadri, aholi turmush darajasi balandga ko‘tarildi. Istiqlolning eng asl qadri ham mana shu, inson sha’ni bilan bog‘liq.
Mustaqillik yillarida chuqur islohotlar natijasida milliy ta’lim tizimi shakllandi. Mustaqillik va ta’lim bir birini to‘ldiruvchi, kezi kelganda biri ikkinchisiga tirgak bo‘lg‘uvchi tushunchalardir. Chunki, mustaqillik ta’lim kuchli joyda mustahkamlanadi, ta’limga e’tibor bor erda yanada kuchayadi.
Zamonaviy jamiyatga bugun dunyoqarashi keng insonlar zarur. “Dunyoqarashni nima o‘zgartiradi – ilm, daromad, manfaat”, deydi muhtaram Prezidentimiz Shavkat Mirziyoev. Hamma narsaning asl mohiyati ta’limga borib taqalaveradi. Eng muhimi yoshlarimizda ta’limga bo‘lgan qarashlar, unga bo‘lgan e’tibor, munosabat o‘zgarganligi birinchi navbatda pedagoglarda faxr tuyg‘usini uyg‘otadi.
So‘nggi yillarda respublikamizda ta’lim sifatiga e’tibor tufayli, tizimdagi ishlar ijobiy tarzda qaytadagan isloh etilmoqda. Ta’limni zamonaviylashtirish, samarali usullarni sohaga olib kirish ertangi kelajakning uzviy qismidir.
Ta’limining barcha bo‘g‘inlarida olib borilgan islohotlar bugungi kunda o‘zining ijobiy tomondan ko‘rsata boshladi.
Maktabgacha ta’lim tizimidagi islohotlar natijasida farzandlarimiz 2-3 yoshdan boshlab ta’lim-tarbiya olmoqdalar. Xalq orasida “Bo‘lar bola 5 yoshidan ma’lum” degan iborada keltirilganidek bolani kichikligidan tarbiyalashni davlat o‘z zimmasiga oldi. Bu o‘z vaqtida to‘g‘ri qilingan ish, amal ekanligini bugungi kun isbotlab bermoqda. Sababi, ertangi kunda yoshlarni har tomonlama etuk inson etib tarbiyalash uchun ta’limga e’tiborni bugundan boshlash muhim ahamiyat kasb etadi. Bu borada maktabgacha ta’lim tizimida bir qator chora tadbirlar amalga oshirildi, xususiy bog‘chalar ochildi, ixtisoslashgan maktablar faoliyati yo‘lga qo‘yildi. Bog‘cha, maktabda sifatli ta’lim olgan avlod oliy ta’limga tayyor holda keladigan bo‘ldi. Maktabgacha ta’lim vazirligini tashkil etilishi ham bu boradagi ishlarni tizimli olib borish imkoniyatini yaratib berdi. Natijada 2017 yilda maktabgacha ta’lim tashkilotlari qamrovi 17% bo‘lgan bo‘lsa, so‘nggi 2 yil ichida bu ko‘rsatkich 55% ga etdi. Yaqin yillarda bu ko‘rsatkich 60 foizgacha etkazilishi kutilmoqda.
Maktabgacha ta’lim tizimini yanada takomillashtirish, moddiy-texnika bazasini mustahkamlash, maktabgacha ta’lim muassasalari tarmog‘ini kengaytirish, malakali pedagog kadrlar bilan ta’minlash, bolalarni maktab ta’limiga tayyorlash darajasini tubdan yaxshilash, ta’lim-tarbiya jarayoniga zamonaviy ta’lim dasturlari va texnologiyalarini tatbiq etish, bolalarni har tomonlama intellektual, axloqiy, estetik va jismoniy rivojlantirish uchun shart-sharoitlar yaratish maqsadida 2016-yil 29-dekabrda “2017-2021yillarda maktabgacha ta’lim tizimini yanada takomillashtirish chora tadbirlari to‘g‘risida PQ 2707 qarori qabul qilindi.Ushbu qaror quyidagilarni o‘z ichiga olgan:
-Maktabgacha ta’lim tizimini yanada takomillashtirish bo‘yicha 2017 — 2021 yillarga mo‘ljallangan dastur
-Maktabgacha ta’lim tizimini yanada takomillashtirish bo‘yicha 2017 — 2021 yillarga mo‘ljallangan chora-tadbirlar rejasi
2017—2021 yillarda maktabgacha ta’lim muassasalarini yangidan qurish, rekonstruksiya qilish va mukammal ta’mirlashning asosiy parametrlari, moliyalashtirish hajmi va manbalari.
2017—2021 yillarda maktabgacha ta’lim muassasalarida bolalarni maktab ta’limiga tayyorlash bo‘yicha qisqa muddatli guruhlarni tashkil qilishning asosiy parametrlari tasdiqlanishi.