Mavzu: ilak tashkiloti bo’yicha qo’yiladigan talablar

Mavzu: ILAC tashkiloti bo’yicha qo’yiladigan talablar. Reja: 1. ILAC tashkiloti haqida qisqacha. 2. Sinov laboratoriyalarining akkreditlash bo‘yicha Xalqaro konferensiyasi. 3. Akkreditatsiyaning asosiy maqsadlari. 4. Sinov laboratoriyasini akkreditatsiya qilish tartibi. 5. Akkreditatsiya jarayoni bosqichlari.

ILAC, ya’ni Xalqaro laboratoriyalarni akkreditatsiya qilish hamkorligi tashkilotining asosiy maqsadi oʻzaro baholash va oʻzaro tan olish asosidagi akkreditatsiya organlari oʻrtasida xalqaro bitim tuzishdir. ILAC: • laboratoriyalar, inspeksiya organlari, malakani tekshirish provayderlari va standart namunalarini ishlab chiquvchilarning asosiy xalqaro hamkori xisoblanadi. Dunyodagi 105 mamlakatning 104ta akkreditatsiya organlari ILACning oʻzaro tan olish bitimini (ILAC MRA) imzolaganlar. ILAC MRAni imzolagan akkreditatsiya organlari oʻz kompetentlik darajasini namoyish etish uchun ISO/IEC 17011ga muvofiq ekspert baholashdan oʻtganlar.

• Akkreditatsiya qilingan kalibrlash laboratoriyalari, sinov laboratoriyalari, tibbiy laboratoriyalar, inspeksiya organlari, malakani tekshirish provayderlari, xalqaro standart namunalarini ishlab chiquvchilarni ILAC MRA talablariga koʻra tan olish. ILAC MRA hujjatini imzolagan akkreditatsiya organlari muvofiqlikni baholash organlarini xalqaro standartlar asosida baholab, akkreditatsiyadan oʻtkazib boradilar. ISO/IEC 17025 standartini oʻz faoliyatida qoʻllaydigan kalibrlash va sinov laboratoriyalari, ISO 15189 sertifikati asosida ish yuritadigan tibbiy laboratoriyalar, ISO/IEC 17020 standartini qoʻllaydigan inspeksiya organlari, ISO/IEC 17043 standarti boʻyicha ishlaydigan malakani tekshirish provayderlari va ISO 17034 standartiga koʻra standart namunalarini ishlab chiquvchilar shular jumlasidandir. Shundan soʻnggina ILAC MRA hujjatini imzolagan akkreditatsiyadan oʻtgan muvofiqlikni baholash organlarining natijalari ILAC MRA doirasida oʻzaro tan olinishi mumkin.

• Laboratoriyalar, inspeksiya organlari, malakani tekshirish provayderlari, sanoat, xukumat, nazorat idoralari va iste’molchilar uchun standart namunalarini ishlab chiquvchilarni akkreditatsiyadan oʻtkazishga koʻmaklashish. ILAC a’zo davlatlar akkreditatsiya organlari tomonidan baholangan sinov laboratoriyalari natijalarining barcha davlatlarda qoʻshimcha tekshiruvlarsiz tan olinishiga va texnik toʻsiqlarsiz mamlakatlar chegarasidan oʻtishiga koʻmaklashadi. Mahsulotlar eksportni qabul qilayotgan davlat chegarasidan kirib kelayotganida qoʻshimcha sinov va inspeksiyadan oʻtish zaruratidan xalos boʻladi. Xukumat va nazorat idoralari shu sabab mahalliy va milliy xizmatlarni taqdim qilishda, xavfsiz oziq-ovqat mahsulotlari va toza ichimlik suvi, energiya bilan ta’minlashda, tibbiy va ijtimoiy xizmatlarni koʻrsatish yoki atrof-muhit musaffoligini saqlashda, savdo bitimlarini davom ettirish va kengaytirish kabi masalalarda ILAC MRA afzalliklaridan foydalanishlari mumkin.