Maqsad: Ta’limiy: Geometrik shakllarni eslab olish, yasalish ketma-ketligini eslab qolish va o‘zi mustaqil yasay olish

Mavzu: Qog‘ozdan kichik hajmdagi kreslo va karavot qurish-yasash.
Maqsad:
Ta’limiy: Geometrik shakllarni eslab olish, yasalish ketma-ketligini eslab qolish va o‘zi mustaqil yasay olish.
Tarbiyaviy: Badiiy-estetik didni o'stirish, mehnatsevarlikni tarbiyalash, tejamkorlikka o‘rgatish.
Rivojlantiruvchi: O'quvchilarda ijodiy tafakkur, tasavvur va fantaziyasini rivojlantirish, chiroyli va to‘g‘ri buklashga o‘rgatish, qaychi va qog’ozdan foydalanish malakalarini rivojlantirish.
1. Buyum va mahsulot turlarini, ularni tayyorlash va ishlov berish usullarini bilish, texnologik loyihalash hamda amalga oshirish kompetensiyasi
Turli materiallardan yasaladigan buyumlarni o‘lchash, rejalash, yelimlash, sodda loyihalash ishlarini bajara oladi;
2. Psixomotor, funksional, hamda amaliy faoliyat turlarini bajarishdagi operatsion kompetensiya:
O‘z mehnat harakatlarini o‘quv topshiriqlari asosida muntazam takrorlay oladi;
3. O‘zini o‘zi rivojlantirish kompetensiyasi:
Har bir bo‘lim yuzasidan olgan bilim, ko‘nikma va malakalarini takomillashtirib, ularni hayotda qo‘llay olishni qulay usullarini o‘rganish.
4. Matematik savodxonlik, fan va texnika yangiliklaridan xabardor bo‘lish hamda foydalanish kompetensiyasi:
Texnologik xaritalarni o‘qiy olish, chizmalarni daftarga ko‘chirib chiza olish, buklash ishlarini mustaqil bajara olish.
O’tish usuli: Tushuntirish , suhbat, ko‘rgazmalilik, analiz-sintez, ko’rsatmalilik va amaliy.
Mashg’ulot jihozi: Rangli qog’ozlar, yelim, qaychi, chizg’ich va yasalgan ish namunalari.
Mashg’ulotning borishi:
Mashg’ulot elementlari I II III IV V VI
Davomiyligi 1 7 20 5 5 5

I. Mashg’ulotni tashkil qilish. 1. Salomlashish.

2. Davomatni aniqlash.
3. O’quvchilarni mashg’ulotga tayyorlash.
4. O‘quv qurollarini tekshirish.
II. Uy vazifani tekshirish:
Oldingi mavzu yuzasidan yasashga berilgan ishlarni ko’rib chiqish va sifatiga qarab baholash.
II. Yangi mavzu bayoni.
Rangli qog’ozni kitobda berilgandek to‘g‘ri va aniq buklaymiz.
Berilgan oʻlchamlar va chizmalar asosida kreslo va karavot yasang.
Oʻlchamlarni olishda xatoliklarga yo'l qo'ymang.

1.O’quvchilarga mebellar haqida ma’lumot berish. Unda mebel namunalari ko‘rsatiladi va nomlari aytiladi. Masalan divan, kreslo, stol, stul va hokazo.

2.Ular bilan birgalikda shakllarni esga olish.
3. Uyda yana qanday mebellardan foydalanishimizni esga olish.
4. Mebel tuzilishini eslab, uni yasashda qaysi shakllardan foydalanish mumkinligini aniqlash.
5. Rangini aniqlab buklab olingan rangli qog’ozni yopishtiradilar.
6.Ishlash vaqtida texnika havfsizligi qoidalari ega olinadi va unga amal qilinishi nazorat qilinadi.
7.O’quvchilarning ishlari kuzatib boriladi. Qiynalayotgan o‘quvchilarga yordam berib boriladi.
IV. Mashg’ulotni mustahkamlash:
1.Mebellar so`zini doskada yoki o`g`zaki tarmoqlang.
2.Atrofda qanday mebellar mavjud ?
3. Ularning turlarini aytib bering.
4. Mebelni yasashingda qaysi shakllardan foydalanding?
V. Uyga vazifa: Tugallanmagan mebelni uyda tugatib yasab kelish.