Maqsad: Matematik hisob-kitob ko'nikmalarini oshirish, masala yechishga o'rgatish

Laylak bilan tulki

( 2-sinf o’quvchilari uchun)

Maqsad: Matematik hisob-kitob ko'nikmalarini oshirish, masala yechishga o'rgatish.

Laylak bilan tulki do‘st bo‘lgan ekan. Qimmatchilik vaqti kelib, ikkisi bola-chaqasi bilan och qolibdi. Laylakning bolalari 3 ta, tulkiniki undan 2 marta ko’p ekan. Bir kun laylak tulkiga:
— Tulkiboy, sen uyga qarab o‘tir. Men uchib borib o‘zimizga va bolalarimizga ovqat topib kelay, — debdi.
Tulki rozi bo‘lib, uyda bolalarga qarab qolibdi. Laylak ovga ketibdi.
Tulki uyda o‘zining va laylakning bolalariga qarab o‘tiraveribdi, oradan bir hafta o’tibdi, laylakdan darak bo‘lmabdi. Tulkining qorni nihoyatda ochib, holidan ketay deb qolibdi, ochdan o‘lar holga kelibdi. Tulki u yoq-bu yoqqa qarab, hech kim yo‘qligidan foydalanib, laylakning bitta bolasini tappa bosib yeb qo‘yibdi. Bolani yeb bo‘lgandan keyin qarasa, laylak har biriga 2 tadan baliq va 3 tadan ilon, 44 ta qurbaqa olib ovdan kelyapti. Tulki aytibdi:
— Ey attangg-a, bir kun qarasam bo‘lar ekan, do‘stim ancha oziq olib kelar ekan, nima deb javob beraman, —deb yig‘lay boshlabdi.
Laylak uyga kelsa tulki do‘sti yig‘lab o‘tirgan emish. Laylak:
— Ey tulki do‘stim, nega yig‘laysan? — deb so‘rabdi. Tulki yig‘i aralash:
— Hay, hay laylak do‘stim, bo‘yni uzunjonning biri kasal bo‘lib o‘lib qoldi, shunga yig‘layapman, — deb suyaklarini ko‘rsatibdi.
Laylak xafa bo‘libdi. Yig‘labdi va bolasini olib, boshqa yoqqa uchib ketibdi.

Savol va topshiriqlar:

1. 
   Laylakni bolalari nechta?
   
2. 
   Tulkining bolalari nechta?
   
3. 
   Laylakning oilasida nechda jon bor?
   
4. 
   Tulkining oilasida nechda jon bor?
   
5. 
   Laylak nechta baliq va nechta ilon olib kelgan?
   
6. 
   Qurbaqa har birika nechtadan yetadi?
   
7. 
   Laylakni nechta bolasi qolgan?
   

Javoblar:

1. 
   3 ta
   
2. 
   3*2=6 ta
   
3. 
   3+1= 4 ta
   
4. 
   6+1=7 ta
   
5. 
   4+7=11
   

11*2=22 ta baliq

11*3=33 ta ilon

6. 
   44:11=4 tadan
   
7. 
   3-1=2 ta
   

Xulosa: Ertakni o'qish orqali o’quvchilarga matn ma'nosini qayta so'zlab bera olishga(TK1) , yo’l qo'yilgan xato va kamchiliklarni topa olish(Tk2)ga o'rgatish.