Kompyuter grafikasi paketlari faniga kirish

---

Kompyuter grafikasi paketlari faniga kirish. 
Hozirgi davr, yangi texnika va texnologiyalarni kompyuter asosida ishlab 
chiqish va tashkil qilish asri hisoblanadi. Shuning uchun, barcha sohalarda 
kompyuter grafik paketlaridan foydalanish hozirgi kunning dolzarb muammosi 
bo‘lib qoldi. 
Kichkina va juda oddiy masalalardan tortib ulkan va juda murakkab 
masalalargacha bo‘lgan grafik muammolarni hal qilish uchun mo‘ljallangan juda 
ko‘p turli xil grafik paketlar mavjud. Bunday paketlar asosan dasturchilarga emas, 
balki foydalanuvchilarga - rassomlar, modelyerlar va animatorlar uchun 
mo‘ljallangan. Aksariyat operatsiyalar kod yozish orqali emas, balki sichqoncha, 
grafik planshet va klaviatura yordamida amalga oshiriladi. Bunday paketlarni qoida 
tariqasida ikki o‘lchovli va uch o‘lchovli grafika uchun alohida paketlarga bo‘lish 
mumkin. 
2D grafik paketlari odatda 2D tasvirlar yoki ularning ustida ishlashga 
qaratilgan. Bunday paketning eng oddiy namunasi deyarli har qanday operatsion 
tizimda mavjud bo‘lgan Paint oddiy tasvir muharriridir. Ko‘pchilik kompyuter 
grafikasi paketlari oddiy interfeysga ega bo‘lsa ham lekin o‘zi juda murakkab 
bo‘lishi mumkin. Ko‘pincha bunday paketlar tasvirni shaffof qatlamlar to‘plami 
sifatida ko‘rib chiqadi. Har bir qatlamga shaffoflik darajasiga ega turli vizual 
effektlarni qo‘llash mumkin. Yakuniy tasvir o‘xshash qatlamlarni bir-biri bilan 
birlashtirish natijasida qurilgan bo‘ladi. 
2D grafik paketlar orasida rastrli grafik paketlar va vektorli grafik paketlarga 
boʻlinish mumkin(garchi baʼzan ular orasidagi texnologiya turli xil boʻlsa ham: 
ba’zan rastr grafik paketi qaysidir vektor imkoniyatlarini qoʻllab-quvvatlashi 
mumkin). Rastr 2D grafik paketlari tasvirni piksellar massivi (aniqrog‘i, bir nechta 
massivlar - har bir qatlam uchun bittadan) sifatida ko‘rib chiqadi. Bu alohida 
piksellar darajasida ko‘rishni ta’minlaydi. Bundan tashqari, berilgan o‘lchamdagi 
ma’lum shriftdagi yozuvni ifodalovchi piksellarning butun guruhlari bilan ishlash 
mumkin. Biroq rasm olingandan so‘ng uning hajmini sifatli qilib osongina 
o‘zgartirib bo‘lmaydi.

---

Vektorli paketlar tasvirlarni yuqori aniqlik bilan belgilangan alohida 
ob’ektlardan iborat qilib ko‘rsatishga qaratilgan. Bunda ob’ektlar ustida har xil 
amallarni bajarish mumkin, masalan, masshtablash, aylantirish va hokazo. Tayyor 
bo‘lgan vektor tasvirini saqlanganda rastr tasvirga aylantirsa bo‘ladi.
Uch o‘lchovli grafik paketlar uch o‘lchovli ob’ektlarni va bunday 
ob’ektlardan qurilgan sahnalarni modellashtirishga qaratilgan. Shu bilan birga, turli 
xil kompyuter dizayn tizimlari (SAPR) uchun muammolarni hal qilishga qaratilgan 
paketlar mavjud, shuningdek qurilgan sahnalarni ko‘rsatish uchun mo‘ljallangan 
paketlar mavjud. 
Ushbu o’quv qo‘llanmada “Kompyuter grafikasi paketlari” fanining 
atamalari, nazariy jihatlari va amaliy dasturiy vositalari bayon qilinadi. 
“Kompyuter grafikasi paketlari” fanining amaliy dasturiy vositalarining 
asosiy masalasi amaliy va operatsion dasturlar hamda tayyor buyruqlar paketidan 
foydalanib, loyihalash va texnologik jarayonning modellarini yaratish ishlarini 
talabalar tomonidan kompyuterda erkin bajarishi uchun zaruriy bo‘lgan bilim va 
malakalarini shakllantirishdan iborat.