Истиқлол шарофати билан юртимизда «Озод ва обод ватан, эркин ва фаровон ҳаёт барпо этиш» йўлидан борар эканмиз, жамиятимизнинг барча соҳаларида туп ўзгаришлар амалга оширилмоқда

Истиқлол шарофати билан юртимизда «Озод ва обод ватан, эркин ва фаровон ҳаёт барпо этиш» йўлидан борар эканмиз, жамиятимизнинг барча соҳаларида туп ўзгаришлар амалга оширилмоқда. Ўсиб келаётган ёш авлодни ҳар томонлама мукаммал инсон қилиб тарбиялаш ҳозирги куннинг энг долзарб муаммоларидан биридир. Мактабгача ёшдаги болаларга эстетик тарбия беришда мусиқадан фойдаланиш, бу, кичкинтойларни ёшлигидан бошлаб мусиқага ошно қилиб тарбиялаш демакдир. Ўз навбатида шуни айтиш керакки, мактабгача таълим муассасаларида яъни, кичик ёшдаги болаларга эстетик тарбия беришда мусиқанинг ўзига хос ўрни бор. Президентимиз ҳам, “Куй, қўшиққа, санъатга муҳаббат, мусиқа маданияти халқимизда болаликдан бошлаб, оила шароитида шаклланади. Уйида дутор, доира ёки бошқа чолғу асбоби бўлмаган, мусиқанинг ҳаётбахш таъсирини ўз ҳаётида сезмасдан яшайдиган одамни бизнинг юртимизда топиш қийин, десак, муболаға бўлмайди”- дея мусиқий маданиятнинг тарбиявий кучига юксак баҳо берадилар. Аждодларимиз ҳам мусиқий тарбиянинг тарбиявий кучига юксак эътибор билан қарашган. Кичик ёшдаги болаларга берилаётган мусиқий таълимнинг сифати, самарадорлиги буткул мусиқа раҳбари зиммасига, унинг изланувчанлиги, фидоийлиги, ўз масъулиятини қай даражада хис этишига боғлиқ.