Islomga bag‘ishlangan umr

Shayx Muhammad Yusuf Muhammad Sodiq hazratning umr yo‘llariga bag‘ishlangan “Islomga bag‘ishlangan umr” filmini tomosha qilishni boshlaganb paytimda e‘tiborimni Shayximizning bolalik paytlarini tasvirlagan kadrlar tortdi. Kadrlar o‘tgan asr o‘rtalarini o‘zida aks ettirgan ammo tasvirda eski kiyimlar, eski uy, eski idishlar nafasi ufurib turmayotganini ko‘rish mumkin. Yaqin 1-2 yilda ko‘rgan tarixiy filmlarimni trahlil qilib chiqadigan bo‘lsam kartinalardan tarixiylik yo‘qolganini yoki umuman yo‘qligni ko‘rishimiz mumkin. Pichoqqa ilinadigan tarixiy-badiiy yoki tarixiy-hujjatli filmlarning o‘zi mavjud bo‘lmaganligi, aslida esa bunday filmlarga ehtiyoj va qiziqishning ham yetarli darajada emasligi ham tarixiy filmlarda tarixiylikning ufurib turmasligiga sabablardan biri deb hisoblayman.
Yurtimiz tarixiy qadamjolari, qadimiy manzillari, ko’hna shaharlari kam bo‘lmagan mamlakat hisoblanadi. Bu esa biz uchun tarixiy o‘tmishimizni, ajdodlarimizni va umuman tariximizni o‘rganishimiz zaruratini yanada oshiradi. Lekin ko‘pgina sohalar kabi tarix fani umuman olganda tarixiy o‘tmishimiz bilan bog‘liq barcha sohalar ham katta e‘tiborga va o‘rganishga muhtoj deb hisoblayman.
Tarix faniga qiziqishning pastligi, insonlarning o‘z tarixini o‘rganishga shashtining pastligi bora-bora tarixiy ong va tarixiy g‘ururning susayib, keyinchalik esa butunlay yo‘qolib borishiga sababchi bo‘ladi. Aynan ushbu tarixiy g‘uruning yo’qolishi esa ko‘hna qadamjolarning “Mehmonxona”, “Restoran”, “Savdo do‘konlari”, “Hojatxonalarga” aylanib borishiga, madaniy meros obyektlarini esa “Dom”lar qurboni bo‘lishiga, noyob tarixiy eksponatlarning esa mamlakatdan tashqari Eskport bo‘lishiga sabab bo‘ladi deb o‘ylayman.
Keyinchalik film ijodkorlari ham tarixiylikni kartinalarida ko‘rsatishda qattiq qiyinchiliklarga duch kelishadi.