Inson doimo nimagadir intilib yashaydi, ammo doim erisholmaganiga o’zini emas boshqalarni ayblab yashaydi

BU HAYOT
INSON DOIMO NIMAGADIR INTILIB YASHAYDI, AMMO DOIM ERISHOLMAGANIGA O’ZINI EMAS BOSHQALARNI AYBLAB YASHAYDI.

MAQSAD
Inson bu yorug’ dunyoga ilk bor kelgan kunidan nimanidir o’rganishga, o’zi bilmagan tushunchalarni tushunishga harakat qiladi. Endi tug’ilganidan o’z onasini qidirib topadi. O’zi uchun yangiliklar yarata boshlaydi. Hayoti davomida har doim nimagadir intilib yashaydi. Maktab davrida uning maqsadi o’qib o’rganish, maktabni tugatgandan so’ng esa kasb yoki hunar o’rganishni oldiga maqsad qilib qo’yadi. Kasbli-hunarli bo’lgandan so’ng esa uylanadi, turmushga chiqadi. Bolali- chaqali bo’lib bolalarini huzurini ko’rishni istaydi. Keyinchalik uning maqsadi bolalarini o’qitib uyli-joyli qilish bo’ladi. Undan so’ng esa nabirali bo’lib nabiralarini huzurini ko’ray deb yashaydi. Shu kabi bahonalar bilan o’z umrini o’tkazadi. Men ham inson sifatida o’z oldimga maqsad qilganman. Maqsadlarim sari olg’a intilyapman. Maktabni a’lo baholarga bitirdim. Kollejda hunarli bo’ldim. Keyinchalik oliy ta’lim muassasasi talabasi bo’ldim. Yaxshi bir oilaning kelini bo’ldim . Alloh nasib aylasa yaqinda shiringina chaqaloqning onasi bo’laman. Hozirda maqsadlarimdan birozgina chekingan bo’lsamda lekin bu qurbonligim bejizga emas,oilam bolajonim uchungina chekinyapman. Inshaalloh Farzandimni qo’limga olib uni yaxshi inson qilib tarbiyalasam shu mening oliy maqsadimga erishganim bo’lishiga ishonchim komildir. Chunki men shu vaqtga o’z kariyeramga erishishga harakat qilganman. ENDI BILSAM ayol uchun eng katta baxt bu uning oiasi farovonligi ekan. O’z kareyeramni ikkinchi o’ringa qo’yishga majbur bo’ldim. Chunki men uchun oila doim BIRINCHI O’RINDA. Maqsadlarimga erishish yo’lida ham chekinmaslikka doimo intiib yashashga qaror qabul qildim.

OILA
Kelinlik davringiz boshlangandan so’ngina oila degan tushunchaning asl ma’nosini tushungandek bo’lar ekansiz. Shundagina ota-onangizning qadriga chin ma’noda yetar ekansiz. Qiz bola uyidagi bor erkaligini o’z uyida qoldirishi kerak degan gaplar bejizga aytilmas ekan. Chunki yangi xonadonda turmush o’rtog’ingizdan boshqa hech kim sizning ko’nglingizga qarab o’tirmaydi. Ba’zilar uchu esa tayyor uy xizmatkori bo’lasiz,qolasiz. Oyijonlarimiz turumushga chiqishimizdan avval tilingni qisqa qil deb ko’p takrorlaydi. Ammo ko’p ajrashgan ayollardan nega ajrashishganliklarini so’rasangiz tilim qursin deb javob berishadi. Men ham kelinlik davrim boshlangandan boshlab o’z tilimni kalta qilishga harakat qildim. Lekinnnnnnnnnn……………………………… Qanchalik harakat qilmang baribir tilingizni bir uchidan nimadir deb qo’yganingizni uzingiz sezmay qolasiz. QAYNONA ham ona kabi mehribonlik qilishga qanchalik harakat qilsalar ham baribir ulardan o’z onangizni qidirasiz. Bilmadim kimda qanday? Lekin menda shunday bo’ldi.