Ii guruh anionlarining analitik reaksiyalari

РУССКИЙ ‎(RU)‎ 

Amaliy mashg`ulot

Mavzu 13. II- III guruh аniоnlаrini аnаlitik rеаksiyalаri. Kоmplеks birikmаlаrigа dоir mаsаlаlаr yеchish.

II GURUH ANIONLARINING ANALITIK REAKSIYALARI

(Cl^-, Br^-, J^-, CNS^-, S^-2)

Guruh reagenti AgNO₃ bo’lib, suvda va suyultirilgan nitrat kislotada erimaydigan oq cho’kmalarni  xosil qiladi.

 

CL^- XLORID IONINING ANALITIK REAKSIYALARI

Kumush nitrat bilan reaksiyasi (farmakopeya usuli). Kumush nitrat xlorid ioni bilan AgCl oq cho’kmasini xosil qiladi. Bu cho’kma konsentrlangan ammiak, ammoniy karbonat va natriy tiosulfatda eriydi:

Cl^- +  Ag⁺ = AgCl (ch)

AgCl (ch) + 2NH₃ = [Ag(NH₃)₂]⁺ + Cl^-

AgCl (ch) + 2NH₄⁺ + 2CO₃^2- = [Ag(NH₃)₂]⁺ + Cl^- + 2HCO₃^-

AgCl (ch) + 2S₂O₃^2- = [Ag(S₂O₃)₂]^3- + Cl^-

Kumushning ammiakatli komplekslariga  konsentrlangan nitrat kislotasi ta’sir ettirilsa, AgCl oq cho’kmasining xosil bo’lishi kuzatiladi:

[Ag(NH₃)₂]⁺ + Cl^- + 2H⁺ = AgCl (ch) + 2NH₄⁺

 

Kaliy yod ta’sirida esa bu eritmalarda  AgJ sariq cho’kmasining xosil bo’lishi kuzatiladi:

[Ag(NH₃)₂]⁺ + J^- = AgJ (ch) + 2NH₃

 

Reaksiyani bajarish:

Probirkaga 2-3 tomchi  natriy xlorid  eritmasidan solib,  ustiga 3-5 tomchi kumush  nitratdan tomizing. Bunda oq cho’kmaning xosil bo’lishini kuzating. Cho’kmaga 5-10 tomchi konsentrlangan ammiak eritmasi yoki ammoniy karbonatdan qo’shing. Cho’kmaning erishini kuzating. Keyin   esa probirkadagi cho’kmani 2 qimsga bo’ling va  birinchisiga 5 tomchi konsentrlangan nitrat kislotasi, ikkinchisiga  esa 5 tomchi kaliy yod eritmasidan tomizing. Bunda ikkala probirkada cho’kmalarning xosil bo’lishini kuzating.