Ibrayi'm Yusupov ha'm To'lepbergen Qayi'pbergenovtin' 88 ji'lli'q yubeleyinin' bag'darlamasi'

Ibrayım Yusupov hám Tólepbergen Qayıpbergenovtıń 93 jıllıq torqalı

toyına arnalıp shólkemlestirilgen
“QARAQALPAQTÍŃ QOS BAYTEREGI” atlı ádebiy kesheniń
baǵdarlaması.

Keshe ótkeriletuǵın zal bayramana bezetilgen. Sahnanıń tórinde Ibrayım Yusupov hám Tólepbergen Qayıpbergenovtıń úlken portreti qıstırıladı, sahnanıń eki tárepinde Ibrayım Yusupov hám Tólepbergen Qayıpbergenovlarǵa tiyisli bayan, referat jumısları, bukletleri hám hár bir klastıń soqqan shayır hám jazıwshınıń portretleri qoyılǵan.

Assalawma aleykim búgingi ádebiy keshe qatnasıwshıları Ullı tulǵalarımızdı eslep 1 minut tınıshlıqtı saqlap orınlarıńızdan turıwıńızdı soranamız.
Qaraqalpaqstan Respublikasınıń Mámleketlik Giminin tıńlaw ushın hámme orınlarınan turıp, kókiregine qolın qoyıp turadı.
1-baslawshı. Bızden sálem bolsın barlıq balalarģa,
Alģısım kóp bizdi bilgen janlarģa,
Súwretimdi qoysa saxna,zallarģa,
Tirile-tirile turģan Ullı tulǵalar.
2-baslawshı. Assalawma áleykum dep, sálemnama baslayın,
Assalawma áleykum dep, kewillerdi xoshlayın,
Bizde sálem –álik alıw ádetdur,
Sálem beriw bárshemizge minnetdur.


1-baslawshı. Assalawma aleykum, áziz ustazlar, qádirli miymanlar hám oqıwshılar! Mine biz búgin “Qaraqalpaq ádebiyatınıń qos bayteregi” bolǵan shayır Ibrayım Yusupov hám Tólepbergen Qayıpbergenovlardıń 93 jıllıq yubeliy toyına arnap ótkeriletuǵın ádebiy keshemizge xosh keldińiz deymiz.
2-baslawshı. “Qaraqalpaq xalqınıń qos bayteregi” bolǵan Ibrayım Yusupov hám Tólepbergen Qayıpbergenovlar Qaraqalpaq ádebiyatınıń rawajlanıwına ózleriniń salmaqlı úlesin qosqan shayır hám jazıwshı, Ózbekstan Qaharmanları, Qaraqalpaq xalqınıń maqtanıshları, 20-ásirdiń klassigi, máńgi bulaqları bolıp esaplanadı.
Ómir zańlarına boysınıp Watan,
Shayır ulı menen jılap xoshlastı.
Tábiyat húkimin júrgizip qatań,
Bir biyik talanttı bawrına bastı.

Qádirdan perzentin qıymastan xalıq,

Sum táǵdir isine ókindi qattı.
Kútá albıraqlap, kózge jas alıp,
Qushaqlap kitabın, ózin jubattı.
1-baslawshı Qaǵazǵa túspegen ájayıp jırlar,
Shayır júregine máńgi jerlendi.
Onıń qosıǵınan taralǵan nurlar,
Jarqıratıp turar gózzal álemdi.
Kórisiwdiń ilaji joqlıǵın ańlap,
Mudam qıynaladı Tallı jaǵısı.
Lázzet alar edi qosıǵın tıńlap,
Ruwxın shad etedi aytqan alǵısı.
Poeziya shámenin lárzege saldı,
Ilham perisiniń shekken muń-zarı.
Birge kútim bergen qosıǵı qaldı,
Kúlimlep tur onda shayır diydarı.
Búgingi “Qaraqalpaq xalqınıń qos bayteregi “ atlı keshemizdi ashıp beriw ushın sózdi mektebimiz direktorına beremiz.
Sazın samal yadlap, sózin el bilgen
Bir shayır dúnyaǵa keldi de ketti.
Tal artınan tuwǵan ayǵa telmirgen
Bir dilbar túsime endi de ketti.