фуқаролик b) интизомий с) маъмурий d) нохуш оқибатлар:→(Врач хатолиги, Бахтсиз ҳодиса, Ятрогения) Жиноят

Тиббиёт ходимлари касбий ҳуқуқбузарликларининг қуйидаги таснифини таклиф қилиш мумкин:

1. 
   Қилмиш:
   

а) фуқаролик
b) интизомий
с) маъмурий
d) нохуш оқибатлар:→(Врач хатолиги, Бахтсиз ҳодиса, Ятрогения)

2. 
   Жиноят
   

Қилмиш – ғайриқонуний (нотўғри), лекин жамият учун хавфсиз хатти-ҳаракат (ҳаракат ёки ҳаракатсизлик)дир, шу сабабли улар жиноий жавобгарликка тортилмайди. Қилмишлар қуйидаги турларга бўлинади:
1. Фуқаролик – асосан тиббий муассасаларга (мулк бузилиши, дори воситаларини нотўғри сақлаш, улардан оқилона фойдаланмаслик ва бошқалар) ҳамда нотўғри даволаш оқибатида беморга етказилган зарар.
2. Маъмурий – тиббий ходимларнинг маъмурий қилмишлари кўпроқ тиббий муассасани бошқариш тартибининг бузилишига (госпитализация қоидалари, техника хавфсизлиги, ёнғинга қарши кураш, санитария ва эпидемияга қарши кураш қоидалари ва бошқалар) тааллуқлидир.
3. Интизомий – тиббий муассасада ўзини тутиш, ўзаро муносабат нормалари билан белгиланган меҳнат, хизмат ва ишлаб чиқариш интизомининг бузилиши.


Жиноят - жазо қўллаш таҳдиди билан жиноят деб топиладиган, ушбу Кодекс билан тақиқланган, айбли ижтимоий хавфли қилмиш (ҳаракат ёки ҳаракатсизлик). Ушбу Кодекс билан қўриқланадиган объектларга зарар етказадиган ёки шундай зарар етказиш реал хавфини келтириб чиқарадиган қилмиш ижтимоий хавфли хатти-ҳаракат деб топилади. (Ўзбекистон Республикаси Жиноят кодекси 14-модда).
ҲҲ
Ҳуқуқбузарликлар структурасида нохуш оқибатлар алоҳида гуруҳни ташкил этади.


Врач хатолиги – шифокорларнинг виждонан янглишиши бўлиб, унинг заминида:
a) касалликнинг атипик кечиши;
b) тиббиёт фани ва унинг усулларининг номукаммаллиги;
c) шифокор малакасининг етишмаслиги натижасида, лекин бунда совуққонлик, бепарволик, эътиборсизлик ва тиббий билимсизлик элементлари бўлмайди.
Мазкур таъриф И.В.Давыдовский томонидан берилган бўлишига қарамай, тиббиёт тарихида «врач хатолиги» тушунчаси биринчи марта буюк жарроҳ Н.И.Пирогов томонидан киритилган.


Бахтсиз ҳодиса - тиббий муолажанинг тасодифий ҳолатлар билан боғлиқ бўлган, врач олдиндан кўра билмаган ва олдини ололмаган нохуш оқибатдир.


Ятрогения – тиббий ёрдам кўрсатиш билан боғлиқ бўлган, лекин қасддан бўлмаган инсон соғлиғига етказилган зарардир.
Ятрогения таснифи:
1. диагностик
2 .даволаш
3. профилактик
4. информацион
5. даволамаслик
6. бошқа