Этник муаммоларни ўрганиш масаласи хар доим ҳам актуал аҳамият касб этган, айниқса гап Яқин Шарқ минтақаси этник низоларини ўрганиш ҳақида кетаркан таъкидлаш жоики, бу мавзу ҳозир ҳар қачонгидан ҳам долзарбдир

ТДШУ Шарқ мамлакатлари иқтисодиёти, сиёсати ва туризм факултети Жаҳон сиёсати йўналиши 3-босқич талабаси Мадаминов Камронбекнинг “Балуж муаммоси ва унинг Катта Яқин Шарқ минқаси давлатлари сиёсатига таъсири” мавзусидаги курш ишига
ТАҚРИЗ
Этник муаммоларни ўрганиш масаласи хар доим ҳам актуал аҳамият касб этган, айниқса гап Яқин Шарқ минтақаси этник низоларини ўрганиш ҳақида кетаркан таъкидлаш жоики, бу мавзу ҳозир ҳар қачонгидан ҳам долзарбдир. Бу биринчидан, буюк давлатларнинг геосиёсий мақсадлари векторини ўрганишда муҳим бўлса, иккинчидан Катта Яқин Шарқ минтақасидаги муаммолар дунёнинг барча нуқтасига ўз таъсрини ўтказа ўлганидек, Марказий Осиё ва Ўзбекистон ҳам бундан ҳоли эмас. Ўзбекистон Катта Яқин Шарққа бевосита географик яқин жойлашуви, минтақа давлати билан маданий, этник ва диний яқинлиги ва улар билан иқтисодий ҳамда бошқа соҳалардаги алоқаси буни ташқи сабаб ўлароқ изоҳласа, Ўзбекистоннинг ҳам манфаатлар зонаси мамлакатларидан бири ҳисобланиши, мамлакатимизнинг кўп миллатли давлат эканлиги ички сабаб сифатида мавзунинг долзарблик даражасини кўрасатиб турибди.
Шу жиҳатдан курс ишида муаммо атрофлича ўрганилган ва тизимли таҳлил қилинган. Хусусан кириш, иккита боб, тўртта параграф, хулосадан иборат ушбу ишда даставвал муаммо моҳиятига, унинг келиб чиқишига, пайдо бўлиш сабабларига, ривожланиш босқичига эътибор қаратилган бўлса, кейинги параграфларда муаммонинг айни кундаги ҳолати, бугунги характери ва табиати ва яқин истиқболдаги потенциал келажаги ҳақида сўз юритилади. Хулоса қисмида эса вазиятга умумий баҳо берилиб, айрим мулоҳаза ва таклифлар келтирилади. Юқоридагиларни ёритишда талаба асосли далиллар ва ишончли манбаалардан фойдаланган ҳолда ўз фикрини онгли равишда исботлай олган.
Хусусан, Эрон ва Покистондаги балуж масаласи тарихий ва замонавий фонда ўрганилиб, етарли асослар орқали уланинг яқин келажакдаги мавқифи башорат қилинган. Бунда юқоридаги этник гуруҳ жойлашган ҳудуд шароити, давлатнинг сиёсий тузуми, жаҳон ҳамжамиятининг бу масаладаги қарашлари инобатга олинган. Шундай бўлсада, курс иши айрим камчиликлардан ҳам ҳоли эмас, масалан:
-муаммонинг ўрганилган даражаси ҳақида яна ҳам кенгроқ маълумот берилса ҳам бўларди;
-муаммолари муштарак бўлган томонларнинг биргаликдаги амалга оширилган ишлари ҳам ёрилганда, фикрлар янада асосли бўларди.
Умумий маънода юқорида келтирилган мулоҳазалар ишнинг қийматига салбий таъсир кўрсатмайди. Курс иши ижобий баҳоланади ва ҳимояга тавсия этилади.

Тақризчи: Шарқ мамлакатлари сиёсати ва халқаро

муносабатлар кафедраси мудири Мадаминова Д.И _________