Elektronika va asbobsozlik

Farg’ona Politexnika Instituti

Energetika fakulteti

“Elektronika va asbobsozlik” kafedrasi

M.To’xtasinov, S.M.Abduraxmonov

Avtomatik boshqarish texnikasiga birinchi qadam

(Texnologik jarayonlarni avtomatik boshqarish tizimlari ta’lim yo’nalishi talabalari va boshqarish tizimlarini mustaqil o’rganuvchilar uchun)

Uslubiy ko’rsatma

Farg’ona shahri – 2019

Uslubiy ko’rsatma texnologik jarayonlarni avtomatik boshqarish tizimlari ta’lim yo’nalishi talabalari va boshqarish tizimlarini mustaqil o’rganuvchilar uchun qaratilgan. Har bir avtomatik boshqarish tizimi alohida laboratoriya ishi sifatida yoritilgan. O’rganuvchi har bir elementni nazariy, amaliy o’rganib keltirilgan savollarga javob berish bilan o’z-o’zini, bilimini nazorat qiladi.

Uslubiy ko’rastma FarPI kengashida ____ _______ 2019 y. kuni muhokama e’tilib chop e’tishga tavsiya e’tilgan. Protokol ______ .

Taqrizchilar:

Muhammad al Xorazmiy nomidagi

TATU FF “Telekommunikatsiya injiniringi”

kafedrasi mudiri t.f.n., dotsent Qo’ldoshev O.,
“E va A” kafedrasi dotsenti Mamasodiqov Y.

Uslubiy ko’rsatma “E va A” kafedrasi yig’ilishida muhokama etlib FarPI kengashiga muhokama uchun tavsiya etilgan (2019 yil ________ №___).

“E va A” kafedrasi mudiri v.v.b Tojiboyev A.

FarPI “Energetika” fakulteti Uslubiy kengashida ko’rib chiqib tavsiya etilgan (2019 yil ________ №___).

“Energetika” fakulteti dekani Shaxodjayev M.A.

“KELISHILDI”

O’quv bo’limi boshlig’i ___________________

Kirish

Hozirda ishlab chiqarish va jamiyatni boshqarishda axborot kommunikatsiya texnologiyalari va vositalaridan keng foydalanilmoqda. Kommunikatsiya texnologiyalari ikki qismdan iborat: apparat qismi va dasturiy ta’minoti. Har qanday o’lchash, monitoring o`tkazish yoki boshqarish tizimini tashkil etish uchun bu ikki qismni qo’llanishi shart.

Avtomatik boshqarish tizimlarini loyihalovchi mutaxassislar loyiha uchun ixtiyoriy kompaniyani vositalaridan foydalanishi mumkin. Dunyoda avtomatik boshqarish tizimlarini vositalarini ishlab chiqaruvchi kompaniyalar juda ko`p va ular o`z vositalarini yaratish uchun turli elektron qurilmalar, dasturlash tillaridan foydalanadilar. Lekin deyarli barcha avtomatik boshqarish tizimlarini algoritimi(texnologiyasi) bir xil. Shuning uchun avtomatik boshqarish tizimlarini loyixalashni o`rganuvchilar uchun biror bir avtomatik boshqarish tizimini oddiydan murakkabgacha texnologiyasini o`rganish boshqa ixtiyoriy boshqarish tizimlaridan foydalanish malakasini bera oladi. Shuning uchun tavsiya etilayotgan nazariy va amaliy vazifalardan iborat bo`lgan uslubiy qo`llanmani tayyorlash dolzarbdir.

Tavsiya etilayotgan 12 ta laboratoriya ishi oddiydan murakkabga o`tish tartibida tayyorlangan bo`lib o`z ichiga boshqarish tizimlarini apparat va dasturiy vositalari bo`yicha elementar nazariyani berib bajarish uchun ko`rsatmalar, ish bo`yicha mustaxkamlash savollarini oladi. Har bir laboratoriya ishi mustaqil bir biriga bog`liq emas. Faqat laboratoriya ishlari oddiydan murakkabga tarkibida berilgan.

Uslubiy qo`llanma AKT sohasi, injinerlik mutahassisliklari talabalari va keng ommadagi avtomatik boshqarish tizimlarini mustaqil o`rganuvchilarga mo`ljallangan.