Экологик туризм фани ҳақида дастлабки фикрларнинг пайдо бўлиши сабаблари

1.3 Экологик туризм фани ҳақида дастлабки фикрларнинг пайдо бўлиши сабаблари
Мамлакатимизда экологик туризмни ривожлан тиришда биринчи навбатда экологик туризмнинг мақсади ва вазифаларини пухта ўрганиб олишимиз талаб қилинади.Ўзбекистонда экологик туризмни ривожлантириш Концепцияси мукаммал ишлаб чиқилган.Бу муҳим ҳужжатда экологик туризмнинг мақсади ва вазифалари экологик туризмнинг халқаро талаблари ва ҳуқуқҳий- меъёрлари берилган.
Туризмнинг кўплаб турлари ўз мавзуси ёки аталиши бўйича бир йўналишни, ёки бир мақсадни билдиради.Масалан, тарихий обидалар билан боғлиқ турлар турдаги тарихий обидаларнинг тарихи ёки уларнинг мўжизавий қурилишлари,улуғворлиги, қадимийлиги билан инсонларни ўзига жалб қилади.Албатда, тарихий обидаларга қизиқувчи туристларни ёки зиёрат туризмини мисол қилганимизда зиёратчи туристлар биринчи навбатда ўзи учун муқаддас бўлган зиёрат маконларни танлайди ва зиёратни амалга оширади сўнгра ушбу зиёратгоҳнинг тарихи билан қизиқиши мумкин.
Мамлакатимизда экологик туризмни ривожлантириш мавзусида чоп қилинаётган мақолаларни,ахборотларни таҳлил қилишдан маълум бўлмоқдаки, аксарият ҳолларда экологик туризмнинг асл мақсади ва вазифаларини тўғри тушуниб етмаганликдан табиат қўриқхоналаридан экологик туризмда фойдаланиш бўйича битирув бакалавр ва магистрлик диссертациялари ёзилмоқда.Ваҳоланки, мамлакатимизда табиат қўриқхоналаридан экологик туризмда фойдаланишга ҳозиргача рухсат берилган эмас.