…Ehtimol, osmondagi eng yorqin yulduzlar onalarning jonidir. Ehtimol, onalarning so'ngan yulduzlari birlashib quyoshga aylangandir. Oftobni ona deyishlari,ehtimol,shundandir

…Ehtimol, osmondagi eng yorqin yulduzlar onalarning jonidir. Ehtimol, onalarning so'ngan yulduzlari birlashib quyoshga aylangandir. Oftobni ona deyishlari,ehtimol,shundandir.
…Ona uchun bolaning katta-kichigi bo'lmaydi. Endi yana bir haqiqatni angladim. Bola uchun ham onaning katta-kichigi bo'lmas ekan. Ona-ona ekan. Unga boshqa sifat kerakmas(Onasi 80dan oshib bu dunyoni tark etdilar,shunga ham kuyunadimi,bunday bo'lsa to'y berish kabi ayrim ''mehmonlar''ning ushbu gapini hech xazm qilolmayman!)
…Onalar farzandlarini hamisha birga bo'lishini istaydilar. Qismat esa ularni qanot chiqarishi bilan har yoqqa uchirib ketadi. Hayot loaqal shu masalada ham onalarga shafqat qilmaydi.
…Qalbimning zulmat bosgan qaysidir burchagida ojiz,ammo ishonchli bir nur yilt etdi. ''Onang-chi, onang hech qachon xiyonat qildimi senga! Biron marta, aqalli bir marta xiyonat qildimi? Har kim har kimning ko'ziga cho'p solishi mumkin, har kim har kimga xiyonat qilishi mumkin. Faqat ona bolasiga hech qachon xiyonat qilmaydi. Ehtimol, inson hayotining shuncha yillaridan buyon davom etib kelayotgani shundandir''