Corbicula fluminalis (O. F. Muller, 1774)

Corbicula fluminalis (O. F. Muller, 1774) (2.2.8 расм)
Muller, 1774: 205 (Tellina); Mousson, 1871: 54-55 (C. crassula); Prime, 1866: 216, fig. 44-45 (C. fluminalis); Clessin in Martens, 1874: 34. Fig. 11, fig 29; Kobelt, 1897, T. 25. F.4; T: 27; F. 1-3; Жадин 1952: 317; Курсалова, Старобогатов, 1971: 94; Иззатуллев, 1982; 1134.
Бу турнинг чиғаноғи Ўрта Осиёда тарқалган турлардан жуда тўқ сариқ ранги ва кучли чиқиб турган чўққилари ҳамда деворининг қалинлиги билан фарқ қилади. Икки палласининг ҳам кардинал тишлари (1, 2а, 2б, 3в) ўткир ва икки чўққи лекин 3а ва 4в тишлари жуда-жуда ингичка чизиқчадай, латерал тишлари эса узун ва майда кертикли [83; 12-83-б., 80; 78-79 б-б. 87; 50-52-б.].
Ўлчами: ЧБ 21-22; ЧУ 19-20,7; ЧК 18 мм.
Экологияси. Чучук сувларнинг ботқоқ қисмида, дарёларда, канал ва кўлларда тарқалган, уни шўр сув ҳавзаларида ҳам учратиш мумкин. Пелореофил ва реофил камдан кам учрайдиган тур. Тухум қўювчи турининг кўпайиш даври март ойидан май ойигача давом этади. [89; 165-167-б., 86; 431-434-с., 83; 82-83-б., 80; 78-79 б-б. 87; 50-52-б.].
Тарқалиши. Ўрта Осиё ва Олд Осиё тури Ўрта Осиёда Ўзбекистон ва Туркманистонда тарқалган. МДҲ нинг жанубий-ғарбий қисмидан ҳам маълум. Зарафшон дарёси соҳили сув типларидан Зарафшон, Оқдарё ва Қорадарёлардан, Каттақўрғон, Челак, Оқдарё сув омборларида Челак, Дарғом балиқчилик хўжалиги, Дарғом, Нарпай каналларида яшайди [80; С 119-120].