Biogaz tarkibini tahlil qilish Reja: I. Kirish II. Asosiy qism

Biogaz tarkibini tahlil qilish
Reja:
I. Kirish
II. Asosiy qism
2.1. Biogaz ishlab chiqarishning ekologik foydasi
2.2. Biogaz qayta tiklanuvchi enregiya manbalaridan biridir
2.3. Biogaz ishlab chiqarish qurilmalari
2.4. Biogaz ishlab chiqarish sanoati
III. Xulosa
IV. Foydalanilgan adabiyotlar


I. Kirish
Mavzuning dolzarbligi. Har qanday mamlakatning barqaror rivojlanishida energiya resurslarining iste’moli hal qiluvchi omil hisoblanadi. Chunki har bir turdagi mahsulotni ishlab chiqarish uchun ma’lum miqdorda energiya sarf qilinadi, ya’ni har birlik miqdordagi mahsulotni tannarxi ham bevosita energiya (issiqlik, elektr energiyasi) sarfiga bog‘liq bo‘ladi.
Tabiiy energiya resurslarini tejash va undan oqilona foydalanish ustuvor vazifalardan biri hisoblanadi. Bu yo‘nalishda Prezidentimiz rahbarligida Respublikamizda Mustaqilligimizning dastlabki yillaridanoq izchil islohotlar olib borilmoqda.
Muqobil energiya manbalarining klassik turlaridan biri biomassa bo‘lib, biomassa va turli organik chiqindilarni qayta ishlash orqali biogaz olish, uni qayta ishlash bilan metan gazini hosil qilish, so‘ngra undan issiqlik va elektr energiyasi ishlab chiqarishni yo‘lga qo‘yish mumkin. Biogaz qurilmalarining amaliyotga joriy etilishi natijasida chiqindilardan atrofga behuda chiqayotgan metan gazini ishlatish, energiya ishlab chiqarish bilan bir vaqtda ekologik muammolarni hal qilish mumkin. Yana bir diqqatga sazovor jihati, mamlakatimizda shu singari “yashil texnologiyalar”ni qishloq xo‘jaligi, energetika, chiqindilarni boshqarish, transport, ta’lim va fan sohalariga keng tatbiq etish kelgusi o‘n yil ichida 550 mingdan ortiq yangi ish o‘rinlari yaratish imkonini beradi.
Mavzuning o‘rganilganligi. Ushbu kurs ishida bugungi kunda dolzarb masalaga bag‘ishlangan bo‘lib, ilmiy-amaliy tahlil asosida muhim masalalarni ochib berishga katta e’tibor berilgan.