Беш ташаббус беш имконият дўстим бекор ўтмасин кунинг, Илм билан бўлгин юзма-юз

БЕШ ТАШАББУС - БЕШ ИМКОНИЯТ


Дўстим бекор ўтмасин кунинг,
Илм билан бўлгин юзма-юз.
Қара ахир бизга шароит,
Яратмоқда бешта ташаббус.


Табиатни турфа тасвирлаб,
Расм чизиб бера олгин тус.
Ёки қўшиқ айтгин баралла,
Сени қўллар бешта ташаббус.


Соғлом тана, норғул бўл доим,
Чемпион бўл, олға юр доим,
Спорт билан машғул бўл доим,
Сенга йўлдош бешта ташаббус.


Интернетдан билгин жаҳонни,
Янгиликни тезда билиб ол.
Чарчоқларни енгиш чун бир оз,
Майли озроқ ўйин ўйнаб ол.


Компьютер, техника асри,
Ривожланиб бормоқда хануз.
Сен ҳам ўқиб, ўрганиб олгин,
Имкон берар бешта ташаббус.


Китоб билан дўст бўлиб олгин,
Ўқиб кўнглинг тўлсин нурларга.
Тарих бизни осонлик билан,
Етказмаган ушбу кунларга.


Китоб ўқи, китоб совға қил,
Ёшлар биздан олсинлар ўрнак.
Мактаб учун совға қилсак гар,
Бир китоб ҳам бўлади кўмак.


Ишсизлик ҳам чекинар ортга,
Ҳар ким ҳалол ризқини терар.
Янги янги иш ўринларни,
Беш ташаббус яратиб берар.


Беш ташаббус беш имконият,
Дўстим уни совурма кўкка.
Ҳаммасидан фойдалангин кел,
Тўғри йўлни кўрсат юракка.