Баҳор келди, Сизни сўроқлаб

Нодирабегим номидаги Наманган вилоят ахборот-кутубхона марказида Зулфияхоним таваллудининг 106 йиллиги муносабати билан “Баҳор келди, Сизни сўроқлаб” мавзусида ўтказилган тадбир АХБОРОТИ
Нодирабегим номидаги Наманган вилоят ахборот-кутубхона маркази Зулфияхоним таваллудининг 106 йиллиги муносабати билан 2021 йилнинг 2 март куни соат 10- 00да “Баҳор келди, Сизни сўроқлаб!” мавзусидаги маънавий-маърифий тадбир бўлиб ўтди.
Тадбирни Нодирабегим номидаги ахборот кутубхона маркази раҳбари М.Жўрабоева очиб берди. Тадбирда Республика ёзувчилар уюшмаси Наманган вилоят бўлими мутахассиси, шоира Руқияхон Ғозиева , Наманган вилоят маъанавият ва маърифат маркази мутахассиси Норхон Маткаримова , Наманган туманидаги 11-сонли мактабнинг она тили ва адабиёт фани ўқитувчиси Мавлуда Ҳакимова, Наманган Давлат Университети 2-босқич талабаси, Зулфия мукофоти номзоди Ўринбоева Зарифахонлар иштирок этди.
Шоира Руқия Ғозиева ҳамда Наманган Давлат Университети 2-босқич талабаси, Зулфия мукофоти номзоди Ўринбоева Зарифахонларнинг шоира Зулфияхонимга бағишлаб ёзган ижод наъмуналари катта мушоирахонликка айланиб кетди ва даврага ўзгача файз киритди.
Наманган туманидаги 23-сонли мактаб ёшлар етакчиси Инамова Мафтуна раҳбарлигидаги ўқувчи ёшларнинг Зулфияхонимга бағишлаб тайёрлаган дастурлари ҳамда Наманган туманидаги 11-сонли мактаб ўқувчиси Садриддинова Сарвигулнинг бадиий чиқишлари китобхонларда катта таъсурот қолдирди.
Тадбир сўнггида Наманган вилоят маънавият ва маърифат маркази мутахассиси Норхон Маткаримова иқтидорли ўқувчиларнинг чиқишлари, иқтидори ва маҳоратига юксак баҳо бериб, келажагимиз эгалари бўлган ёшларга келгусида ҳар бир соҳанинг фидоий эгалари бўлишига ишонч билдирди ҳамда тадбир иштирокчиларига Наманган вилоят маънавият ва маърифат эсдалик совғалари, Нодирабегим номидаги ахборот кутубхона маркази директори М.Жўрабоева тадбир ташкиллаштиришда фаол иштирок этган Наманган туманидаги 23-сонли умумий ўрта таълим мактаби ёшлар етакчиси Инамова Мафтунани “Ташаккурнома” билан тақдирлади.
Ахборот ёзувчи: Эралиева О.