Ayta olmasman sevgim

AYTA OLMASMAN SEVGIM

Hayron qolmang doʻstlarim,

Hayot juda qizgʻindir.

Har bir inson hayotda

Koʻp ishlarga qodirdir.

Ammo shunday damlar ham

Boʼlishi mumkin ekan.

Yurak qurgʻur shu onda

Aslo boʻysinmas ekan.

Yurak-yurak deymizu,

Yurak asli nimadir.

Yurak ishga tushsa gar,

Hissiyotlar joʻshadir.

Mening hayotimda ham

Shunday voqea boʻlgan.

Oʻzi bilmagan holda

Bir qiz oʻgʻirlab olgan.

Balki bilar oʻzi ham,

Qalb sadosi tinmaydi.

Sevishimni aytishga

Aslo jurʼat yetmaydi.

Ismin olsam tilimga

Hissiyotlar joʻsh urar.

Qulogʻimda ovozi

Yangragandek tuyular.

Hayotimda boʼlding sen

Birinchi muhabbatim.

Menga boʼlgin doimo

Hayotdagi yoʼldoshim.

Sevganimga ishonmay

Uzoqlashib koʻrdim ham.

Lekin iqror boʻldimki

Usiz yasholmadim ham.

Uni koʼrsam doimo

Yurak toʻxtar shu onda.

Aql ishlamas hech ham,

Men bechora hayronda.

Aytay desam sevgimni,

Har gal tilim aylanmas.

Balki oʼzi ham bilar,

Lekin oʻylov hech qoʻymas.

Shu sababli azizlar

Dardim aytolmay butun.

Sheʼr qilib tasvirladim,

Hissiyotlarim bu kun.

Balki oʼqir oʻzi ham,

Buni tutolmayman sir.

Seni qattiq sevadir,

Oshigʻing boʼlgan Nosir.