Asosiy mahsulot polietilenni ishlab chiqarish jarayoni sclairtech polimerizasiyaning suyuq faza texnologiyasi yordamida, nova chemicals Shimoliy Amerika kompaniyasi litsenziyasi bo‘yicha amalga oshiriladi

Polietilen

Asosiy mahsulot — polietilenni ishlab chiqarish jarayoni — SCLAIRTECH polimerizasiyaning suyuq faza texnologiyasi yordamida, NOVA Chemicals Shimoliy Amerika kompaniyasi litsenziyasi bo‘yicha amalga oshiriladi. Ushbu texnologiyaning asosiy afzalligi bu — quvurli va avtoklav turdagi reaktorlarning ketma-ket rejimidan foydalangan holda polietilenning fizik-kimyoviy va reologik ko‘rsatkichlarni o‘zgartirish imkoniyati hisoblanadi. Bu esa bir ishlab chiqarish liniyasida turli turdagi liniyali polietilen ishlab chiqarish imkoniyatini beradi. Olingan polimer erituvchilardan, katalizatorlar qoldiqlaridan butunlay ajratiladi, mavjud bo‘lgan zararli moddalardan tozalanadi va erigan holda, tarkibida uchuvchi birikmalarning eng kam miqdori bilan asosiy ekstruderga tushadi. Barcha zarur bo‘lgan qo‘shimchalar, ularning yaxshi aralashishi va to‘liq bir turdagi bo‘lishini ta’minlash maqsadida suyuq yoki erigan holda qo‘shiladi. Ushbu texnologiya asosida ishlab chiqarilgan polietilen, oziq-ovqatlar va inson tanasi bilan aloqada bo‘ladigan har qanday salomatlik uchun zararsiz mahsulotlarni ishlab chiqarish maqsadida foydalanish mumkin.

 

O‘zbekiston Respublikasi Presidentining 2017 yil 14 noyabrdagi PQ-3386 qarori hamda Vazirlar Mahkamasining 2004-yil, 5-fevraldagi, 57-sonli “Mahsulotlar, xom ashyo va materiallarning yuqori likvidli turlarini sotishning bozor mexanizmlarini joriy ettirishni davom ettirish to‘g‘risida”gi qaroriga muvofiq Sho‘rtan GKM polietileni shu jumladan faqat «O‘ZRTSB» o‘zbek tovar birjasi orqali eksport qilinadi.OAO «O’ZRTSB» BIRJA Sayt manbasi: WWW.UZEX.UZ