Ahmad A’zamning " Avtobus" hikoyasi tahlili

Ahmad A’zamning “ Avtobus” hikoyasi tahlili.

Avvalo, ijodkor faoliyatiga to’xtaladigan bo’lsak, Ahmad A’zam – yozuvchi, munaqqid, ssenarist, telejurnalist. Ahmad A’zam asarlarini o’qish jarayonida yozuvning xalqchil ekanligini tushunib yetdim. Chunki yozuvchi asarlarida yoritgan asosiy qahramonlar oddiy insonlar, hech qanday hashamatlarsiz va hech qanday bo’rttirishlarsiz ifodala bera olgan ijodkor. Ahmad A’zamning “Avtobus” hikoyasi yaqqol misol bo’la oladi. Hikoya qahramonlari oddiy insonlar va undagi voqealar ham kundalik hayotimizda biz to’qnash kelayotgan odatiy holatlar ya’ni avtovokzaldagi chipta olish uchun navbat kutayotgan odamlar tasviri bilan boshlanib voqealar bir biriga uzviy bog’lanib ketadi. Hikoyani o’qish chog’ida, kitobxonda hech qanday chalg’ish bo’lmaydi bu esa albatta yozuvchining mahorati kuchli ekanligini ko’rsatadi. Hikoyadagi bosh qahramonning ismi keltirilmaydi, boshqa insonlar singari sodda, samimiy inson va hikoyadagi butun voqea shu qahramon atrofida birlashadi. Avtobus- bu hikoya markazida turuvchi predmet ya’ni bu predmet orqali hikoyadagi qahramonlarning xarakteristikasi ochib beriladi. Bag’rining andazasi avtobus ichidan keng haydovchi, xarakterida sal sabrsizlik, qo’rquvi bor ayol, cho’rtkesar bozorchi pistafurush obrazlari keltirib o’tilgan.

Hikoyani o’qib anglab yetdimki hikoya bekorga “Avtobus” deb nomlanmagan ekan. Xulosam shuki, avtobus majoziy ma’noda biz yashab turgan dunyoyimiz. Mana shu hikoyada avtobus ichida berilgan yaxshi va yomon obrazlar biz jamiyatimizda uchratadigan insonlar timsoli deb o’ylayman. Axir yaxshilik bor joyda yomonlik ham bo’ladi. Hikoyada bosh qahramon bolalikdagi hayotini biroz eslaydi buning sababi avtobusdagi bozorchi pistafurush kampir bo’ladi. O’qilishi va tushunish juda oson bo’lgan ush bu hikoya haqida mulohaza yuritaversak, yozuvchi nima demoqchi ekanligini ko’proq topamiz ya’ni bu ko’ringanidek oddiy hikoya emas.