Ахборот хати “Замонавий психология: муаммолар ва истиқболлар” мавзусида халқаро миқёсдаги илмий-амалий конференция

---

АХБОРОТ ХАТИ 
 
 “Замонавий психология: муаммолар ва истиқболлар” мавзусида
халқаро миқёсдаги илмий-амалий конференция 
 
Ўзбекистон Республикаси Вазирлар Маҳкамасининг «Илмий-
инновацион ишланма ва технологияларни ишлаб чикаришга татбиқ 
этишнинг самарали механизмларини яратиш чора-тадбирлари тўғрисида» 
2018 йил 12 январдаги 24-сон қарори ижросини таъминлаш 2019 йил 25 
февралда қабул қилинган №133-Ф рақамли фармойиши асосида 2021 йил 6 апрель куни
Низомий номидаги Тошкент давлат педагогика университети «Амалий психология» 
кафедрасида «Замонавий психология: муаммолар ва истиқболлар» мавзусида психология 
соҳасида олиб борилаётган илмий изланишларнинг долзарб муаммолари, эришилган ютуқлар 
ва қўйилган вазифаларни бажариш механизмларини муҳокама қилиш мақсадида халқаро 
миқёсдаги илмий-амалий конференция ўтказилади. 
Конференцияда қуйидаги масалаларни муҳокама қилиш назарда тутилган: 
1. Замонавий психология: назария, амалиёт, эксперимент. 
2. Ташкилий психологиянинг замонавий муаммолари.
3. Фундаментал психологиянинг долзарб муаммолари. 
4. Консультатив психология ва саломатлик психологияси.
5. Таълимда психология: халқаро ҳамкорлик ва интеграция шароитлари. 
6. Замонавий шахс психологияси: муаммолар ва истиқболлар.
7. Таълимни психологик йўналтириш: назария ва амалиёт. 
8. Фан ва таълимни инновацион ривожлантириш психологиясининг долзарб масалалари.
Муаллифлар учун маълумот 
Конференцияга топширилган маърузалар мақолалар илмий тўплами шаклида чоп 
этилади. Илмий мақола матнида келтирилган маълумотларнинг ҳаққонийлигига муаллифлар 
жавобгардир. 
Мақола матнини расмийлаштириш талаблари: 
1. Мақола матни MS Office дастурининг WORD 97-2003 муҳарририда, Times New Roman 
шрифти, 14 кегель катталиги, 1,5 интервалда бўлиши ва энг камида 5 бет ҳажмда тайёрланиши 
керак. 
2. Мақола матнлари таҳрир қилинган ҳолда А4 ҳажмдаги қоғозга, юқоридан ва пастдан 
2,5 см, чапдан 3 см, ўнгдан 1,5 см жой қолдириб, 2 нусхада топширилади. 
3. Маърузачининг исми шарифи, илмий даража ва унвони (ўнг юқори бурчак, курсивда, 
12 кегель катталигидаги шрифт, 1 интервал), ташкилот ва шаҳар номи, е-mail ва жой коди 
билан мулоқот телефонлари (иккинчи қаторда) кўрсатилади. Сўнгра 1 интервал қолдириб, 
мақоланинг номи бош ҳарфлар билан ёзилади. Кейинги сатрдан 1 интервал қолдириб, 
мақоланинг қисқача аннотацияси (рус ва инглиз тилларида) берилиши шарт. Асосий матн 1,5 
интервалли қаторларда ёзилади. 
4. Мақоланинг чоп этилган ва электрон нусхалари конференция ташкилий қўмитасига 
топширилади.
5. Мақолалар ўзбек, рус ва инглиз тилларида қабул қилинади. 
6. Нашр харажатлари учун ҳар бир мақолага 200 000 сўмдан тўланади. 
Манзилимиз: Тошкент шаҳар, Бунёдкор кўчаси, 27 (почта индекси 100185), Низомий 
номидаги Тошкент давлат педагогика университети “Амалий психология” кафедраси