9 Мавзу: корхона стратегиясини шакллантириш

9 Мавзу: КОРХОНА СТРАТЕГИЯСИНИ ШАКЛЛАНТИРИШ


9.1. Корхона имкониятлари, ресурслари ва стратегиясининг моҳияти
9.2. Фирмаларни ривожлантиришнинг асосий омиллари

Бозор иқтисодиёти шароитида ҳар бир ишлаб чиқарувчи бозорга ўз маҳсулоти билан мустақил чиқади. Ўз маҳсулотини бозорда сотиш шароитларини яхшироқ яратган корхона бошқа шунга ўхшаш товарни ишлаб чиқарувчиларга нисбатан яхшироқ ҳолатда бўлади. Бу холисона талабга кўра, ҳар бир корхона ўз тараққиёт йўлини бозор талабига мувофиқ тузиши ва ишлаши керак. Ҳар бир корхонада ривожланиш стратегиясини ишлаб чикиш зарурлиги айни шунда ўз ифодасини топади.

Стратегия мақсадларини шакллантириш тамойилларидан ва уларга эришишнинг мувофиқ сиёсатидан иборат бўлади. Стратегияни амалга ошириш корхонанинг иқтисодий қуввати доимий кучайишини, ишлаб чиқарилган товарлар ва кўрсатилган хизматлар рақобатбардошлигини таъминлаши керак.
''Корхона ресурсларига ва имкониятларига қуйидагилар киради:
1. Ходимларнинг уддалаши, билими ва касб тажрибаси. Бу ҳолда улар истеъмолчиларнинг талабларини идрок қилиш ва ҳақиқатда гавдалантириб кўрсатиш қобилияти нуқтаи назаридан баҳоланади.
2. Моддий рссурслар корхоналар жойлашган ердан ишлаб чиқариш ва умумий бинолар, асбоб-ускуналар, электр таъминот манбалари (хусусий ёки сотиб олинган), иссихулик, сув, ишлаб чиқариш чиқитларини йўқотиш имкониятлари ва бошқалардан иборат. Ҳаммаси бу ҳолда уларнинг техник ҳолати, мулкий шакли (ижара, акционер, хусусий ва бошқалар) нуқтаи назаридан кўриб чиқилади.
3. Технологик ва ташкилий рссурлар — илғор технологияларни, патент ва лицензияларни, ишлаб чиқариш ва меҳнатни ташкил қилиш тараққийпарвар шаклларининг мавжудлиги.
4. Ахборот ресурслари —ахборотни олиш имкониятнинг мавжудлиги.
5. Молиявий ресурслар корхонанинг балансидаги ликвид активлардан ва қарз олиш имкониятидан иборат.
6. Маркетинг ресурслар — тартибга солинган сотув ва таъминот тармоғининг мавжудлиги, тижорат ишларини олиб бориш бўйича ходимлар (персонал)нинг ихтисослашган билимлари ва тажрибаси.
7. Ташкилий рссурслар — ишлаб чиқариш ташкилий тузилмасининг доимо такомиллаштириш имконияти, қобилияти ва бошқалар.
Ишлаб чиқариш омилларининг танқислига ва қимматлиги уларни қандай ишлатишда мухим аҳамиятга эга. Шунинг учун корхона ишлаётган муҳитни билиш лозим.