2. Umumiy qoidalar

MUNDARIJA

1. Kirish

2. Umumiy qoidalar

2.1. Malakaviy amaliyotning maqsadi va vazifalari

2.2. Malakaviy amaliyotning obekti va muddati

2.3. Malakaviy amaliyot mavzulari bo'yicha topshiriqlar

3. Malakaviy amaliyot bo'yicha hisobotni rasmiylashtirish

4. Malakaviy amaliyotni tashkil etish va unga raxbarlik qilish

5. Malakaviy amaliyot davomida talabaning huquq va majburiyatlari

6. Xulosa

7. Foydalanilgan adabiyotlar ro'yxati

Kirish

Ushbu dastur O'zbekiston Respublikasi “Ta'lim tog'risida” gi qonuni, “Kadrlar tayyorlash milliy dasturi” talablaridan kelib chiqqan holda “O'zbekiston Respublikasi oliy ta'lim muassasalari talabalarining malakaviy amaliyoti haqida Nizom” ning bandiga muvofiq 5311000 – “TJICHAB” ta'lim yo'nalishi Davlat ta'lim standarti asosida tuzildi.

Hozirgi kunda Respublika ta'lim tizimini mustahkamlash, uni zamon talablari bilan uyg'unlashtirishga katta ahamiyat berilmoqda. Bunda mutaxassis kadrlarni tayyorlash, ta'lim va bilim berish tizimini amalga oshirilayotgan islohatlar bilan uzviy bog'liq bo'lishi talab etilmoqda.

Zamon talablariga javob bera oladigan mutaxassis kadrlarni tayyorlash, Davlat ta'lim standartlari asosida ta'lim va uning barcha tarkibiy tuzilmalarini takomillashtirilib borish oldimizda turgan dolzarb masalalardan biridir.

Fanlar bo'yicha bilimlar majmuasini o'zlashtirish, nazariy va amaliy mashg'ulotlar uzviyligida malaka hamda ko'nikmalarni mukammal shakllantirishda malakaviy amaliyotning o'rni beqiyos.

5311000 – “TJICHAB” ta'lim yo'nalishi talabalarining malakaviy amaliyotini to'g'ri tashkil qilish bo'lajak yosh mutaxassislarni real ishlab chiqarish sharoitlariga tayyorlashning eng muhim shartlaridan biri hisoblanadi.

Ushbu dastur iqtisodiyotni modernizatsiyalash va deversifikatsiyalash sharoitida “TJICHAB” ta'lim yо'nalishi bо'yicha tahsil olayotgan talabalar malakaviy amaliyotini tashkil etishning asosi hisoblanandi.