1-Mavzuga oid nazorat savollari va topshiriqlariga javoblar

1-Mavzuga oid nazorat savollari va topshiriqlariga javoblar:

1. Bolalar bog‘chasidagi nutqni rivojlantirish dasturining ilmiy asosi nimalarda ifodalanadi?

Javob: Maktabgacha ta’lim muassasalarida bolalar nutqini rivojlantirish ishlari tegishli dastur asosida amalga oshiriladi, mazkur dasturda atrof-olam haqidagi bilimlar doirasi, tegishli lug’at hajmi hamda bolalarning har bir yosh bosqichida o‘zlashtirishlari lozim bo‘lgan nutqiy mahorat va ko‘nikmalari belgilab qo‘yilgan bo‘lib, u muayyan shaxs sifatlarini tarbiyalashni ko‘zda tutadi (masalan, dialogik nutqni rivojlantirishda dastur kirishimlilik, xushmuomalalik, bosiqlik kabi sifatlarni tarbiyalash zarurligini ta’kidlaydi). Nutqni rivojlantirish dasturi ham, umuman olganda, xuddi «Maktabgacha ta’lim muassasalarida tarbiyalash va ta’lim berish dasturi» kabi ilmiy asoslarga qurilgan. U butun mazmuni bilan maktabgacha ta’lim nazariyasini amalga oshirishga, ya’ni bola shaxsini har tomonlama rivojlantirishga yo‘naltirilgan.

2. Nutqni rivojlantirish dasturining asosini psixologiya, psixolingvistika va pedagogika fanlarining qaysi ma’lumotlari tashkil etadi?

Javob: Dastur asosini psixologiya va turdosh fanlarning bolaning og’zaki nutqni egallab olganligi va uning bilish faoliyatining o‘ziga xosligi haqidagi ma’lumotlar tashkil etadi, bu esa turli yosh bosqichlarida bolalarga nisbatan talabning hajmi va izchilligini belgilaydi.

3. Dasturda bolaning rivojlanishida faoliyatning muhim ahamiyatga egaligi haqidagi pedagogik qoida o‘z aksini topganmi?

Javob: Dastur bolaning rivojlanishida faoliyatning yetakchi ahamiyatga ega ekanligi haqidagi muhim pedagogik qoidani hisobga olgan holda tuzilgan.

4. Tez aytishlar asosida savodga o’rgatishning ahamiyati qanday?

Javob: Nutqning tovush madaniyatini tarbiyalash, lug’atni boyitish, mustahkamlash va faollashtirish, nutqning grammatik to‘g’riligini takomillashtirish.

5. Bolalar nutqini shakllantirishda topishmoqlarning o’rni nimada?

Javob: Og’zaki nutqni shakllantirish, ravon nutqni rivojlantirish, badiiy so‘zga qiziqishni tarbiyalash, savod o‘rgatishga tayyorlash.

6. Oilada bolalarni o’qishga va savodga o’rgatishda nimalarga ahamiyat berish zarur?

Javob: Oilada bolalarni o’qishga va savodga o’rgatishda adabiy so’z normalarga rioya qilishga, so’zlarni qisqartirib aytmaslikka, so’zlrni nafaqat og’zaki, balki grammatik jihatdan to’g’ri qo’llashga va lug’at boyligini oshirishga ahamiyat berish zarur.

7. Bolalarni o’qishga va savodga o’rgatish uchun qanday usullar samara beradi?

• 
  Javob: Bolalarni o’qish va savodga o’rgatish usullaridan biri bu – mustaqil hikoya qilishga o’rgatishdir. Og’zaki nutqini o‘stirishda mustaqil hikoya qilishga o‘rgatish katta o‘rin egallaydi: bolalalarni o‘z hayotlarida uchragan voqealar, suratlarga qarab, tarbiyachining taklif qilgan mavzusi asosida hikoyalar tuzishga o‘rgatiladi.Tayyorlov guruh bolalarining hikoyalari mazmunan bog’langan, ma’lum izchillikda, grammatik tomondan to‘g’ri tuzilgan bo‘lishi kerak.