1-Mavzu Kirish. “Infokommunikatsiya tizimlari elektr ta’minoti” fani va uning ahamiyati Reja

1-Mavzu


Kirish. “Infokommunikatsiya tizimlari elektr ta’minoti” fani va uning ahamiyati


Reja:
1. Kirish.
2. “Infokommunikatsiya tizimlari elektr ta’minoti” fani va uning ahamiyati.
3. Infokommunikatsiya tizimlari elektr energiya ta’minoti manbalari va iste’molchilarini xususiyatlari.
4. Qayta tiklanuvchi elektr ta’minot manbalarining O’zbekistonning energiya mustaqilligidagi o’rni.


1. Kirish
O’zbekiston Respublikasi birinchi Prezidenti I.A.Karimovning "Iqtisodiyotning real sektori korxonalarini qo’llab-quvvatlash, ularning barqaror ishlashini ta’minlash va eksport potentsialini ko’paytirish chora-tadbirlari dasturi to’g’risida" 2008 yil 28 noyabrdagi PF-4058-son Farmonini bajarish yuzasidan, shuningdek xo’jalik yurituvchi sub’ektlar, shaharlar va qishloqlar iste’molchilari tomonidan elektr energiyasi iste’molini hisobga olish va nazorat qilish tizimini takomillashtirish maqsadida Vazirlar Mahkamasi qaror qabul qilgan. Unda:
- elektr energiyasi iste’molini hisobga olish va nazorat qilishning avtomatlashtirilgan tizimini bo’yicha boshlang’ich loyihalar amalga oshirilishi;
- elektr energiyasi iste’molini hisobga olish va nazorat qilishning avtomatlashtirilgan tizimini joriy etish investitsiya loyihasi ishlab chiqilganligi ko’rsatib o’tilgan.
- elektr energiyasi iste’molini hisobga olish va nazorat qilishning avtomatlashtirilgan tizimini joriy etish doirasida xo’jalik yurituvchi sub’ektlarga elektr energiyasini hisobga olishning zamonaviy elektron asboblarini o’rnatish belgilangan;
- elektr energiyasi iste’molini hisobga olish va nazorat qilishning avtomatlashtirilgan tizimini joriy etish doirasida maishiy iste’molchilarga elektr energiyasini hisobga olishning zamonaviy elektron asboblarini o’rnatish belgilangan va bungan mos reja tasdiqlangan.
Belgilab qo’yilgan:
- maishiy iste’molchilarga elektr energiyasi iste’molini hisobga olish va nazorat qilishning avtomatlashtirilgan tizimiga ulanadigan elektr energiyasini hisobga olishning mavjud asboblarini almashtirish va zamonaviy elektron asboblarini o’rnatish "O’zbekenergo" DAK korxonalarining o’z mablag’lari hisobiga amalga oshiriladi;
- xo’jalik yurituvchi sub’ektlarga elektr energiyasini hisobga olishning mavjud asboblarini almashtirish va zamonaviy elektron asboblarini va apparat komplekslarini o’rnatish ularning o’z mablaglari hisobiga amalga oshiriladi;
Elektr energiyasi iste’molini hisobga olish va nazorat qilishning avtomatlashtirilgan tizimiga ulangan iste’molchilarga elektr energiyasi etkazib berish oldindan to’langan haq doirasida elektr ta’minoti bo’yicha ikki tomonlama shartnoma asosida amalga oshiriladi.