«. uz» домени ҳудудида рўйхатдан ўтган веб-сайтларда аниқланган қонунбузилиш ҳолатлари юзасидан

«.uz» домени ҳудудида рўйхатдан ўтган веб-сайтларда
аниқланган қонунбузилиш ҳолатлари юзасидан

Мониторинг 2022 йил 22-29 июль кунлари ўтказилди.

1. «www.maxam-chirchiq.uz» веб-сайти

Веб-сайт фойдаланувчиси томонидан қолдирилган шарҳда қимор ва таваккалчиликка асосланган бошқа ўйинлар тарғиботига хизмат қилиши мумкин бўлган «digitamoney.com»
веб-ресурсига гипперҳавола келтирилган.
Иқтибос:
«В казино Пин Ап собраны лучшие игровые автоматы, от лучших производителей, герои слотов — соблазнительные девушки в стиле Pin-up (в кружевных чулках и с красными губками стоят в привлекательных позах).
Уникальная и продуманная система привилегий! Играйте на новых автоматах, выполняйте задания и совершенствуйте свой титул.»
Ҳавола:
http://www.maxam-chirchiq.uz/ru/forum/user/5541/

Ўзбекистон Республикасининг Жиноят Кодексининг саккизинчи бўлимида қимор ва таваккалчиликка асосланган бошқа ўйинга берилган таърифга кўра: «Қимор ва таваккалчиликка асосланган бошқа ўйин - ўйин ташкилотчиси (ўйин муассасаси) томонидан бир ёки ундан ортиқ иштирокчилар билан тасодифга (воқеага) ва (ёки) ўйин иштирокчисининг қобилияти, эпчиллиги ва бошқа сифатларига боғлиқ ютуқ тўғрисида тузилган, таваккалчиликка асосланган битимга мувофиқ ўйин ташкилотчилари ва иштирокчиларининг хатти-ҳаракатлари мажмуини назарда тутувчи ўйин, шу жумладан тотализаторлар, казино, шунингдек ўйин автоматларидан фойдаланиладиган ўйин»дир.

Қимор ва таваккалчиликка асосланган бошқа ўйинларни тарғиб қилиш Ўзбекистон Республикаси Вазирлар Маҳкамасининг 2007 йил 16 августдаги 176-сон Қарори (қимор ўйинларини ва таваккалчиликка асосланган бошқа ўйинларни ташкил этиш ва ўтказиш учун телекоммуникация тармоқларида, шу жумладан Интернет бутунжаҳон ахборот тармоғи провайдерлари томонидан хизматлар кўрсатиш...тақиқлансин) талаби бузилишига олиб келиши мумкин.

Ўзбекистон Республикаси «Болаларни уларнинг соғлиғига зарар етказувчи ахборотдан ҳимоя қилиш тўғрисида»ги Қонуни 16-моддасига кўра «Болалар ўртасида тарқатилиши тақиқланган ахборот маҳсулоти жумласига:…болаларда ... қимор ўйинларида… иштирок этиш ... истагини пайдо қиладиган... ахборот маҳсулоти киради».
Ўзбекистон Республикаси «Ахборотлаштириш тўғрисида»ги Қонуни 12-1-моддаси талабига мувофиқ «Веб-сайтнинг ва (ёки) веб-сайт саҳифасининг эгаси, шу жумладан блогер ҳамма эркин фойдаланиши мумкин бўлган ахборот жойлаштириладиган Интернет жаҳон ахборот тармоғидаги ўз веб-сайтидан ва (ёки) веб-сайт саҳифасидан:… қонунга мувофиқ ... жавобгарликка сабаб бўладиган бошқа ҳаракатларни содир этиш мақсадларида фойдаланилишига йўл қўймаслиги шарт».
Қимор ва таваккалчиликка асосланган бошқа ўйинларни тарғиб қилиш содир этиш усули ва оқибатига қараб, қонун ҳужжатларида белгиланган маъмурий (МЖТКнинг 191-моддаси) жавобгарликка сабаб бўлиши мумкин.
Ўзбекистон Республикаси Адлия Вазирлигидан 2008 йил 23 июнда 1830-сон рақами билан рўйхатга олинган «UZ» доменидаги домен номларини рўйхатдан ўтказиш ва улардан фойдаланиш тартиби тўғрисида»ги Низоми 36-бандига мувофиқ: «Веб-сайтларда ёки домен номи орқали фойдаланиш мумкин бўлган бошқа хизматларда ... Ўзбекистон Республикасининг қонун ҳужжатларини бузувчи ахборотни жойлаштирганлик учун домен номининг Маъмури жавобгар бўлади. Домен номининг Маъмури ўзининг домен номи билан боғлиқ ҳуқуқ бузилишлар тўғрисида хабар топиши билан ўз техник имкониятлари доирасида уларни бартараф этиш бўйича дарҳол чоралар кўришга мажбурдир».
Аниқланган қонунбузилиш ҳолатларидан келиб чиқиб, «www.maxam-chirchiq.uz»
веб-сайти маъмуриятига сайтдан Ўзбекистон Республикаси қонунчилигига зид бўлган маълумотларни олиб ташлаш тавсия этилади.