“ Muhammad Yusuf Vatan kuychisi”

“ Muhammad Yusuf - Vatan kuychisi “ tadbir ssenariysi

Sahna to’riga shoir Vuhammad Yusuf surati qo’yiladi. Surat atrofi ochilgan gullar bilan bezatiladi. Shoir asarlari ko’rgazmasi tashkil qilinadi, buklamalar, devoriy gazetalar qo’yiladi.

Sahnaga boshlovchilar – yigit va qiz chiqib kelishadi va Muhammad Yusufning “Vatanim” she’ridan parcha o’qiydilar.

Yigit: Men dunyoni nima qildim,
O’zing yorug’ jahonim.
O’zim xoqon, o’zim sulton,
Sen taxti Sulaymonim.
Y olg’izim, yagonam deymi,
Tipingan koshonam deymi,
O’zing mening ulug’lardan
Ulug’imsan,Vatanim...
Qiz: Shodon kunim gul otgan sen,
Chechak otgan izimga,
Nolon kunim yupatgan sen,
Yuzing bosib yuzimga.
Singlim deymi, onam deymi,
Hamdard-u hamxonam deymi,
Oftobdan ham o’zing mehri
Ilig’imsan, Vatanim.
Yigit: Assalomu alaykum, hurmatli ustozlar, aziz d’stlar,qalbi qaynoq yoshlar, adabiyot va she’riyat muxlislari! Bugun biz o’zbek she’riyatinig yorqin yulduzi, xalqimizning sevimli shoiri Muhammad Yusuf tavalludining 60 yilligini nishonlash uchun yig’ilganmiz.
Qiz: Sohirnafas shoir Muhammad Yusuf milliy adabiyotimiz va madanyatimizni rivojlantirishga, yosh avlod qalbiga o’zlikni anglash,milliy g’urur va iftixor tuyg’ularini singdi-
Rishga,ezgu fazilatlarni kamol toptirishga betakror badiiy asarlari bilan munosib hissa qo’shdi.


1- o’quvchi: 0‘zbek adabiyoti shunday chamanzorki, uning bo‘stonida gul ko‘p, chechak ko‘p. Bu bo‘stonda bir-biriga o‘xshamaydigan, bir-birini takrorlamaydigan dilbar shoirlar avlodi qayta- qayta bo‘y cho‘zaveradi.
Ana shunday betakror shoirlardan biri, shubhasiz, 0‘zbekiston xalq shoiri, xalqimizning bulbulzabon farzandi Muhammad Yusuf edi.
U 1954-yil 26-aprelda Andijon viloyatining Marhamat (1898-yilda mashhur Dukchi eshon qo‘zg‘oloni bo‘lib o‘tgan Mingtepa) tumanidagi Qovunchi qishlog‘ida oddiy zahmatkash odamlar oilasida tug‘ildi. Mana shu qishloqda beg‘ubor bolaligi, sho‘x-shodon o‘smirligi o‘tdi.