Zumradoylar davrasi mashg'ulot ishlanmasi “odobnoma” mavzu: odob salomdan boshlanadi maqsad

Sher bilan Durroj

A.Navoiy

Bir o‘rmonda Sher bilan Durroj yashar ekan. Sher Durroj bilan do‘stlashmoqchi bo‘libdi va unga

- Kel, shu o‘rmonda do‘st bo‘lib birga yashaymiz. Sen ashulalar aytib, meni xursand qilasan. Biror kimsa seni xafa qilsa, men hamma vaqt senga yordam beraman, - dedi.

- Xo‘p. Kel, do‘st bo‘lamiz, - debdi Durroj.

Kunlardan bir kuni Durroj:

- Men tuzoqqa tushdim, yordam ber!-deb Sherni yordamga chaqiribdi.

Sher yordam berish uchun kelibdi, qarasa, Durroj uni aldab, yolg‘on gapirgan ekan. Aslida u hech qanday tuzoqqa tushmagan ekan. Sher do‘stidan juda xafa bo‘libdi.

- Yolg‘on so‘zlamagin, yolg‘onchi el oldida uyalib qoladi,-debdi. Ammo Durroj Sherning gapiga quloq solmabdi, yolg‘onchiligini aldashini qo‘ymabdi.

Kunlardan bir kuni Durroj rostdan ovchi qo‘ygan tuzoqqa tushib qolibdi.

- Dod! Meni tutib oldilar! Yordam ber! - deb yana Sherni chaqiribdi.

Sher uni ovozini eshitsa ham, «Har galgidek bu gal ham meni aldayotgandir» deb o‘ylab yordam berishga bormabdi. Shunday qilib, Durroj o‘z yolg‘onchiligi tufayli ham do‘stidan ayrilibdi, ham ovchi tuzog‘iga ilinibdi.

Tarbiyachi: mana ko‘rdingizmi bolalar, yolg‘onchilik – yomon odat. Yolg‘onchining gapi odamlarni ranjitadi, ko‘nglini qoldiradi. Oqibatda ishonch yo‘qoladi. Odamlar uning gapiga ishonmay qo‘yadilar. Durroj ham yolg‘on gapirgani uchun sher uning gapiga ishonmadi. Oqibatda ovchi tuzog‘iga ilindi.

-Durroj yahshi ish qildimi?(Bolalar javoblari)

-Siz ham hech qachon yolg‘on gapirmang. Doimo rost gapiring.

Tarbiyachi bolalar bilan ertak mazmuni asosida savol-javob o‘tkazadi.

1.O‘rmonda kimlar yashar ekan?

2. Sher kim bilan do‘stlashmoqchi bo‘libdi?

3.Sher Durroj bilan do‘stlasha olibdimi? Nima uchun do‘stlasha olmabdi?

4.Durrojning tuzoqqa tushishiga kim aybdor?

5.Durroj yolg‘on gapirmaganda nima bo‘lar edi?

Tarbiyachi: To‘g‘ri, bolalar, Durroj yolg‘onchi gapirmaganda sher bilan ahil yashagan bo‘lar edi. Sher kuchli hayvon. Sher Durrojni himoya qilib yurgan bo‘lar edi. Durroj yolg‘on gapirib tuzoqqa tushdi. 53 Yolg‘onchilikni oqibatini ko‘rdingizmi, qanday yomonligini? Biz hech qachon yolg‘on gapirmaymiz-a? Yolg‘on gapirganlar uyalib qoladilar,o‘rtoqlari esa undan xafa bo‘lib, birga o‘ynamaydigan bo‘ladilar.