Zumrad bahor bo‘limidan

O‘quvchilar: Bahor !

O‘qituvchi: Balli, bolajonlar! Bugun biz sizlar bilan Qudrat Hikmatning “Bahor” she’ri bilan tanishamiz. (Shoir haqida ma’lumot beriladi.)
“Bahor fasli” haqidagi ko‘rgazmali rasmlar va videolavha asosida suhbat o‘tkaziladi.

She’r matnini texnik vosita orqali ifodali tarzda o‘qib beriladi. O‘quvchilar kuzatib boradilar.

Bahor Qudrat Hikmat she’ri

Uchib yurar mayin shamollar

Yelpib-yelpib anhor yuzini.

Qirg‘oqlarda soyabon tollar

Oyna suvda ko‘rar o‘zini.

Tong yellari o‘ynoqlab sekin,

Jiydazorga kirib yo‘qolar.

Maysa o‘tlar tebranib sekin,

Orqasidan kuzatib qolar.

Chumchuqlarning og‘zida cho‘p-xas,

In qo‘yishar tutlar ustiga.

Ko‘kni quchgan teraklar tinmas,

Oro berar kulrang po‘stiga,

Bedapoya yam-yashil o‘tloq,

Chinorlarda qushlar chug‘urlar.

Ko‘klam ko‘rkin ko‘rdingmi, o‘rtoq,

Chamanzordek hammayoq gullar.

Notanish so‘zlar yuzasidan lug‘at ishi o‘tkaziladi.

Lug‘at ishi:

tong yellari – ertalabki yengil shabada

ko‘kni quchgan – baland o‘sgan

oro berar – zeb berar

ko‘rkin – go‘zalligin

“Qofiyasini toping” mashqi o‘tkaziladi. Bunda har bir guruhga she’rni bir banddan bo‘lib beriladi. Guruhlar she’r misralaridagi qofiyadosh so‘zlarni topadilar. Qaysi guruh oldin topsa o‘sha guruh rag‘batlantiriladi.