Зомин шахрида курулиши режалаштирилган йиллик ишлаб чикариш куввати 30000 дона бўлган қурулиш ғиштини ярим қуруқ усулида ишлаб чиқариш корхонасини лойиҳалаш

3.2. Керамик массанинг фазали ва химиявий таркибини аниқлаш

Турли керамик массаларнинг физик – химиявий таркибини таққослаш учун, фазали таркиб ҳисобини амалга ошириш зарур. Ушбу ҳисоб-китоб келтирилган шаклда фазали таркибни аниқлаш имкониятини беради, чунки материал структураси (игнали, донадор, толали) шакланишига таъсир этувчи омилларни ҳисобга олмайди. Фазали таркибни ҳисоблашда К₂О ва Na₂O миқдори ва микроклин К₂O Al₂O₃ 6SiO₂ ҳамда альбит Na₂ O Al₂O₃ 6SiO₂ миқдорига қайта ҳисоблаш йўли билан шишали фаза миқдори ўрнатилади. Мавжуд бўлиши мумкин бўлган муллит миқдорини Al₂O₃ умумий миқдоридан дала шпатидаги шиша фазада мавжуд Al₂O₃ миқдорини айириш билан аниқланади. Муллит миқдорини SiO₂ умумий миқдори бўйича (дала шпати шишаси ҳосил бўлишига сарфланган SiO₂ миқдорини айрилади) 3Al₂O₃ 2SiO₂ га қайта ҳисоблаш билан аниқланади. Шунингдек, дала шпати эритмасида 25% гача муллит ва 15% гача қолдиқ кварц бўлиши мумкинлигини шартли қабул қилинади, муллит ва эркин кварцнинг кристалланиш фазаси топилади. Шиша фазаси миқдорини, 100% ли ва йиғинди кристалланиш фазалари орасидаги фарқни ҳисоблаб топилади.

3.2.1.-жадвал
Массанинг химиявий таркиби

Хом-ашё	Масса миқдори, %	Массада оксидлар миқдори, %
		SiO2	Al2O3	Fe2O3	CaO	MgO	K2O	Na2O
Гилтупроқ	23	12,85	8,81	0,33	0,20	0,11	0,52	0,18
Коалин	26	13,71	11,55	0,24	0,30	0,04	1,10	0,06
Пегматит	30	21,94	4,64	0,13	0,28	0,07	1,87	1,07
Кварц қум	21	20,65	0,22	0,04	0,05	0,01	0,02	0,01
Жами:	100	69,15	25,22	0,74	0,83	0,23	2,51	1,32

Манба: Жиззах вилоят геология ва минералоги қидирув бошқармаси маълумотлари асосида тузилди.
Массанинг дастлабки таркиби (3.2.1.-жадвал) ҳар бир оксид умумий миқдори ва унинг кристалланиш фазаси миқдорлари фарқидан шиша фаза таркиби аниқланади ва уни 100% га ҳисобланади. Масса таркибига тупроқ ва каолин билан киритилган Al₂O₃ муллит ҳосил бўлишига тўлиқ сарфланади деб қабул қиламиз. (8,81 + 11,55 = 20,36 мас. %). Al₂O₃ миқдори бўйича муллит миқдори ва бу ҳосил бўлиши учун сарфланган SiO₂ миқдори аниқланади:
2SiO₂ + 3Al₂O₃ = 3Al₂O₃ SiO₂.
Муллитнинг молекуляр массаси:
120 + 306 = 426.
Пропорция тузамиз:
306 – 426
20,36 – Х Х = 28,34 муллит мас. м.
Бундай муллит миқдорига сарфланган SiO₂ :
426 – 120
28,34 – Х Х = 7,98 мас. м. ≈ 8,0 мас. м.
Шунингдек, R₂O оксидлари шиша фазаси ҳосил бўлишига сарфланишини ҳисобга олиб, дала шпати миқдорини аниқлаймиз, у бутунлай эритмага айланади деб қабул қиламиз. К₂О умумий миқдори (3.2.1.-жадвалга қаранг) 2,51 мас. %, у ҳолда микроклин миқдори қуйидагини ташкил этади:
К₂О  Al₂O₃  6SiO₂ – К₂О
556,7 – 94,2
Х – 2,51 Х = 14,87 мас. м.
Дала шпати шишасида 25% гача қолдиқ кварц эриши мумкин. Эркин кварцнинг ушбу миқдоридан келиб чиқиб, фазали таркибда 43,810,75 = 32,85 мас. % мавжуд бўлади. Фазали таркибда муллит миқдори, унинг 25% дала шпати шишасида эришида аниқланади: 28,34 0,75 = 21,25 мас. %.
Амалга оширилган ҳисоб-китобга асосланиб уйидаги фазали таркибни ўрнатамиз, мас. %:
кварц – 32,85;
муллит – 21,25;
шиша фазаси (фарқи бўйича) – 45,9 (100 – 54,1).
Фазали таркибни ҳисоблаш келтирилган бўлиб, у муллит, кристобаллит шаклидаги кварц ва бошқаларнинг кристалланган фазасининг турли технологик омиллари таъсирини ҳисобга олмайди, у материал таркибини ва бошқа механик хоссаларга таъсирини аниқлайди.