Зиѐвуддин Раҳим 2 бисмиллаҳир роҳМАНир роҳийм!

НАМОЗНИ БУЗУВЧИ АМАЛЛАР 
Қуйидаги амаллар, ҳолатлар, ҳаракатлар намозни бузади: 
1. Такбири таҳрима айтаѐтганда “Аллоҳу” лафзи бошидаги “а” ҳарфини чўзиш. 
2. Намозга тегишли бўлмаган гапни – қасдан ѐки адашиб бўлса ҳам – гапириш. 
3. Бировга салом бериш. 
4. Саломга алик олиш. 
5. Аксирган одамга “Ярҳамукаллоҳ”, деб жавоб қайтариш, имомдан бошқанинг қироатини, 
намоздан ташқаридаги киши қироатини тўғрилаш. 
6. Саволга – оятлар билан бўлса-да – жавоб бериш. Масалан, бирон хушхабар эшитганда 
“Алҳамдулиллаҳ”, деса, “Бир мусулмон оламдан ўтибди”, деб хабар берилганда “Иннаа лиллааҳи ва 
иннаа илайҳи рожиъувн”, деса, намоз бузилади. 
7. Узрсиз томоқ қириш, йўталиш. 
8. “Уф”, “оҳ”, деб товуш чиқариш. 
9. Оғриқ ѐки мусибатга овоз чиқариб йиғлаш (Бироқ, охиратни ўйлаб йиғласа, намоз 
бузилмайди). 
10. Намозда қаҳқаҳа отиб ѐки қиқирлаб кулиш (Рукуъ ва саждали намозда қаҳқаҳа отиб кулган 
одамнинг таҳорати синади, намози бузилади. Рукуъ ва саждали намозда қиқирлаб кулиш намозни 
бузади, аммо таҳоратни синдирмайди. Табассум қилиш билан намоз бузилмайди, таҳорат синмайди). 

---

136 
11. Бирон нарсани ейиш, ичиш. 
12. Жамоат намозида ѐнидаги одамга жой бериш учун сурилиш. 
13. Тўхтамасдан уч қадам юриш. Лекин олди саф очиқ бўлса, бир рукнда бир ѐки икки қадам 
билан олдиндаги сафни тўлдириш жоиз. 
14. Қуръони каримга қараб тиловат қилиш. 
15. Маъно бузиладиган даражада хато қироат қилиш. 
16. Амали касир қилиш, яъни уч марта бир жойини қашиш ѐки четдан қараган одам “Намоз 
ўқимаяпти” деб ўйлайдиган даражада кўп ҳаракат қилиш
298
. 
17. Нажосат устига сажда қилиш. 
18. Кўкракни қибладан бошқа томонга буриш. Фақат бошнинг ўзини қибладан бошқа тарафга 
буриш билан намоз бузилмайди, лекин макруҳ саналади. 
19. Сажда қилаѐтганда икки оѐқ панжаларини ердан кўтариш. 
20. Намоз фарзларидан бирини узрсиз тарк этиш. 
21. Намознинг тўла бир рукнида аврат очиқ бўлиши. 
22. Таҳорат кетиши. 
23. Сув йўқлиги сабаб таяммум қилиб намоз ўқиѐтган киши таҳорат учун етарли сувга эга 
бўлиши. 
24. Намоз ўқиѐтганда маҳсига тортилган масҳ муддати тугаши. 
25. Яра тузалиши сабаб устидаги боғичнинг тушиши. 
26. Узрли киши узридан фориғ бўлиши. 
27. Бомдод намозида қуѐш чиқиб қолиши, ийд намозини ўқиѐтганда қуѐш заволга оғиши, жума 
намозини ўқиѐтганда аср вақти кириши. 
28. Тартиб соҳибининг ўқилмай қолган бир намозни эслаши. 
29. Намоз ўқиѐтганда ҳушидан кетиб қолиш (Бундай ҳолатда таҳорат ҳам синади). 
30. Намозда турган ҳолда инсонлар сўзи билан, масалан, “Эй Аллоҳ, менинг қорнимни тўйғаз”, 
деб дуо қилинса, намоз бузилади. Зеро, намозда маъсур (яъни, Қуръонда, ҳадисларда келган) дуолар 
ўқилади.