Zirohat keskin bosh chayqab, yonidagi sherigiga ‘’Hali shunaqamidi’’, degan ma’noli nigohda nazar tashlab qo’ydi

Siz meni o’z yaqiningizdek ko’rib, “ Mening opam ham, singlim yo’q, oilada uch o’g’ildan keying yagona qiz farzandman, endi sen mening singlim bo’lasan, ichimdagi barcha dardlarimni endi senga aytsam ham bo’laveradi’’, degandingiz. Men ojiz banda shayton vasvasasiga uchib, sizga, aniqrog’i, Aziz aka bilan ikkingizning muhabbatingizga xasad qilardim. Men uchun yonib-kuygan, sevgimni qozona olmay halak bo’lgan Suhrob akamni nazarimga ilmay, Aziz aka tomon intilardim. Chunki, Aziz aka Suhrob akamdan ko’ra bilimliroq, chiroyli va qaddi-qomati kelishgan, fakultetning old yigitlaridan edi-da.

Bilasizmi, talabalik paytimizda universitet kutubxonasida dars tayyorlab uzoq vaqt qolib ketardik. O’shanda Aziz aka ikkimizni talabalar yotoqxonasigacha kuzatib qo’yardilar. Bechora Suhrob akam ko’zlari to’rt bo’lib yotoqxona eshigining oldida meni kutib, uylariga ketmasdan, tungacha o’tirardilar. Suhrob akamning atay jahllarini chiqarish uchun Aziz akamning bilaklaridan ushlab olardim. Bu bilan ‘’Men seni yoqtirmayman, ko’nglim Azizda, bekorga ovora bo’lma, baribir, uchrashuvga chiqmayman’’, demoqchi bo’lardim. Aziz akam ham ichimdagi g’arazli niyatimni payqamasdan, o’z singlisidek ko’rib, barcha erkaliklarimni ko’tarardilar.

Zirohat keskin bosh chayqab, yonidagi sherigiga ‘’Hali shunaqamidi’’, - degan ma’noli nigohda nazar tashlab qo’ydi.

Esingizdami?- dedi Mahbuba, to’rtinchi kursnning yangi yil kechasini kursdoshlar bilan nishonlaganimizda Suhrob akam ham ishtirok etgandilar. Restoranda barchamiz o’yin-kulgu qilib, qizlar oz-ozdan konyak ichib, shirakayf bo’lgandik. Mening ichganimni ko’rgan Suhrob akamning kayfiyatlari buzilib, sizdan yordam so’rab nimalarnidir iltimos qilgandilar. Baxtga qarshi bitiruv oqshomiga Aziz aka ishlari chiqib kela olmagandilar. Suhrob aka ikkingiz ichkaridagi shovqin-surondan bir-biringizning gaplaringizni eshita olmay, tashqariga chiqdingiz. Men ham atay tashqariga chiqib, ariq bo’yidagi archaning panasida turibgap poyladim. Suhrob aka qo’lini paxsa qilib, nimalarnidirsizga tushuntirishga harakat qilardilar. Shunda miyamda tasodifan reja paydo bo’ldi. Tezda ichkariga kirib kursdosh yigitlardan rasm tushush bahonasida fotoapparat