Зиёвуддин Раҳим Дилдаги гаплар СЎзбоши

ҲАҚ ПАЙҒАМБАРГА ХОС БЕЛГИ 
Бир ҳукмдор ўзидан кейинги ҳукмдор номини тарихдан ўчириб ташлашга уринишини кўрсам, 
Пайғамбаримиз соллаллоҳу алайҳи ва салламни эслайман. Агар у зот ҳақ пайғамбар бўлмаганларида 
аллақачон унутилар, ўтмишдаги минглаб раҳнамолар каби фақат китоб варақларида қолиб кетардилар. 
Зеро, у зотдан кейин ҳазилакам сардорлар ўтдими?!. 
ҲАҚИҚИЙ САОДАТГА ЭРИШИШ 
Пашша қанотичалик ҳам қийматга эга бўлмаган ўткинчи дунё матоҳига эришиш учун минг 
машаққат чекиб, эртаю кеч елиб-югурилади. Шундай экан, “Кўнглим тоза”, “Қалбда бўлса бўлди, амал 
қилишим шарт эмас”, деган қуруқ гап билан абадий охират саодатини қўлга киритиб бўларканми?!. 
КЕЧ КУЗДА ИШ БОШЛАГАН ДЕҲҚОН 
Айримлар нафақага чиққанидан ке­йингина охират ҳақида ўйлай бошлайди. Аниқроғи, “Бола-
чақамдан қутулвосам, пенсияга чиқвосам, кейин ибодат қиламан”, деб солиҳ амалларни ортга суради. 
Бу, ерга кеч кузда ишлов беришни бошлаган деҳқоннинг ҳолатига ўхшайди. 
РУҲИЙ ЮКСАЛИШ ОНИ 
Инсон Аллоҳнинг мўъжизалари, У Зот берган ҳисобсиз неъматлар ҳақида фикр юритиб имони 
кучайганида ўзини енгил ҳис қилади, қалби очилади, кўнглига руҳий хотиржамлик тушади. Мана 
шундай пайтда Яратганга кўпроқ дуо-илтижо қилиш керак. Зеро, бундай ҳолат доим ҳам 
бўлавермайди. 
НОШУКР БАНДА 

---

Бошга мусибат тушганида: “Нима гуноҳ қилувдим?!” деб нола чеккандан кўра, тоғдай гуноҳлар 
учун истиғфор айтган яхши. 
“Аллоҳдан сўрадим, бермади”, деб нолигандан кўра сўралмаса ҳам бериб қўйилган неъматлар 
шукрини адо этган маъқул. 
2-БЎЛИМ. ИЛМНИНГ ҚАДР-ҚИЙМАТИ, ОЛИМЛАР ФАЗИЛАТЛАРИ ВА 
ВАЗИФАЛАРИ 
ИЛМ ОЛИШ ВОСИТАЛАРИ 
Таълим бериш учун инсон кўпроқ ўқиб-ўрганади, билганларини такрорлайди. Қолаверса, 
ўргатиш жараёнида масаланинг бошқа жиҳатларига эътибор қаратади, аввал тушунмаган томонларини 
англайди. Қабул қилиш воситалари (жумладан, ўқиш, тинглаш, ёзиш, гапириш) кўпайгани сари илм 
онгга мустаҳкам ўрнашади.