Зиёвуддин Раҳим Дилдаги гаплар СЎзбоши

ИЗЗАТ ВА ХОРЛИК 
Яратганга бўйсуниш иззат, нафсга бўйсуниш эса хорлик келтиради. 
ИМОН ВА ҚЎРҚУВ ЭҲТИЁЖИ 
Инсон қалбида кимгадир ёки нимагадир ишониш эҳтиёжи бор. Агар у Раббига ишонмаса, ўзгага 
ишонади. Унинг қалбида кимдандир ёки нимадандир қўрқиш эҳтиёжи ҳам бор. Агар Аллоҳдан 
қўрқмаса, оддий мавжудотлардан қўрқади. 
ТАФАККУР ОНЛАРИ 
Бармоқларингизга эътибор билан қаранг, қандай мукаммал ва мутаносиб қилиб яратилгани 
ҳақида фикр юритинг. Киши ҳақ йўлни топишига ёки имони мустаҳкамланишига шунинг ўзи кифоя. 
ТАНА ВА РУҲ ЭРКИНЛИГИ 
Инсон руҳи эркин бўлмагунича танаси эркин бўла олмайди. 
БЕМИННАТ ЯХШИЛИК 
Банданинг яхшилиги жуда кам ва муваққат, Яратганнинг неъматлари эса беҳисоб ва давомийдир. 
АГАР ҲЕЧ КИМ СИЗНИ ЭСЛАМАСА... 
Агар ҳеч ким сизни эсламаётган бўлса, Аллоҳни кўпроқ зикр қилинг. Шунда У Зот сизни эслайди. 
ДОРИНИНГ ИНСОНГА ТАЪСИРИ 
Атрофга теран назар билан боқсак, ҳар бир нарса Аллоҳнинг ягоналигига далолат қилишини 
кўрамиз. Масалан, дори-дармонларни олайлик. Россиялик бир йигитнинг боши оғриётгани учун 
“Тримол” ичади. Худди шу ишни ҳиндлар, хитойлар, испанлар, америкаликлар ҳам қилса бўлади. 
“Тримол” ҳатто индеец, абориген ва эскимосларга ҳам бир хил таъсир кўрсатади. Мазкур дори 
осиёликнинг бош оғриғини қолдириб, европаликнинг ошқозонини тузатмайди. Демак, бир хил сифатга 
эга дори бутун дунёдаги одамларга бир хил таъсир кўрсатади. Чунки уларнинг Яратувчиси Бир. 
Организмимиз бир хил қонуният асосида ишлайди. Тана аъзоларимиз Ягона Зотга сўзсиз бўйсунади. 

---

АЛЛОҲ КЎРИБ ТУРИБДИ 
Гуноҳ қилганингизни одамлар билмай қолгани учун хурсанд бўлманг. Чунки Яратган ҳаммасини 
кўриб турибди. Қиёматда сизни одамлар эмас, У Зот ҳисоб қилади. 
Қилаётган солиҳ амалларингизни одамлар билмагани учун ташвишланманг. Чунки Аллоҳ 
кўриб турибди. Охиратда сизга ажр-мукофотни одамлар эмас, У зот беради.