Ўзбкистон республикаси

Oltinchi bо‘lim. «Bitimning resursli ta’minoti». Bu bо‘limda tadbirkorlik loyihasini amalga oshirish uchun kerak bо‘lgan resurslar turi va hajmi, resurslarni olish manbai va uslubi haqida ma’lumot-lar beriladi.
Resursli ta’minot quyidagilarni qamrab oladi: moddiy resurslar (materiallar, yarim tayyor mahsulotlar, xom ashyo, energiya, inshootlar, asbob-uskunalar va boshqalar); mehnat resurslari; moliyaviy resurs-lar (joriy pul mablag‘lari, ka­pital qо‘yilmalar, kreditlar, qimmat-baho qog‘ozlar); axborot resurslari (statistik, ilmiy-texnik axborot).
Yettinchi bо‘lim. «Bitimning samaradorligi». Bu bо‘lim biznes-rejaning yakunlovchi qismi bо‘lib, unda tadbirkorlik faoliyati samaradorligining umumiy tafsiloti beriladi. Samaradorlikning umumiy kо‘rsatkichlari orasida foyda va rentabellik kо‘rsatkichlari ustuvor mavqega ega. Bundan tashqari, ijtimoiy va ilmiy-texnikaviy samaradorlik (yangi ilmiy natijalarni qо‘lga kiritish) ham hisobga olinadi. Ushbu bо‘limda ishbilarmonlik faoliyatining uzoq muddatli faoliyatini tahlil qilish maqsadga muvofiqdir.
Loyihalarni asoslash jahon amaliyotida mablag‘larni qо‘yilishi haqidagi qarorni tayyorlashda bir necha umumiy kо‘rsatkichlar qо‘llaniladi. Ular quyidagilardan iborat:
- sof joriy qiymat;
- rentabellik;
- samaradorlikning ichki koeffitsiyenti;
- kapital qо‘yilmalarning qaytarilish davri;
- pulning maksimal sarf-xarajati;
- zararsizlik meyorlari.
Sof joriy qiymat ba’zida iqtisodiy integral samara deb ham ataladi. Loyihani amalga oshirish vaqtida mahsulot sotishdan olingan umumiy daromaddan shu vaqt davrida ketgan barcha sarf-xarajatlar ayirmasiga sof joriy qiymat deyiladi.
Rentabellik foydaning kapital qо‘yilmalarga yoki aksi­oner kapitaliga nisbati shaklida aniqlanadi. Tadbirkorlik loyihasini amalga oshirishda rentabellik har bir yilga hisoblab chiqiladi. Bu yerda soliqlar hisobga olinadi.
Integral samaradorlikni nolga tenglashtiruvchi rentabellikning dastlabki sath mazmuni samaradorlikning ichki koeffitsiyenti deb hisoblanadi. Agar samaradorlikning ichki koeffitsiyenti dastlabki sath mazmunidan past bо‘lmasa, loyiha samarali deb hisoblanadi.