Ózbekstan Respublɩkasɪ Joqarɪ hám Orta arnawlɪ Bilimlendiriw Ministrligi

Jańa pedagogikalıq texnologiyalardan paydalanǵan halda algebra elementlerin úyreniwge baǵıshlanǵn bir saatlıq sabaq islende
Sabaqtıń maqseti: Oqıwshılardıń ótilgen sabaqlardan alǵan bilimlerin bekkemlew olardı topar bolıp islew, bir-birine óz ara húrmet doslıq múnásebette bolıw kónlikpelerin qáliplestiriw, pikirlew qábiletin ósiriw, tez hám shaqqan háreket qılıwǵa úyretiw.

Sabaq túri: Bekkemlew.

Sabaq medodı: Bellesiw, soraw-juwap.

Sabaq quralları: Hár bir topar aǵzaları ushın kókiregine taǵıw ushın emblemalar, 4 shárt ushın aldınnan dúzip qoyılǵan mısal, másele, teńleme, krasvord juwabı, tez juwap beretuǵın sorawlarǵa juwap jazılǵan konvertler toplamı, jeńimpaz topar ushın kókirek nıshanı, dawıs jazıp alınǵan fleshka, awızeki másele dúziw ushın hár túrli súwretler, oqıwshılarǵa beriw ushın kitap hám ruchkalarlar.

Doskaǵa «Amir Temur», «Alisher Nawayı», «Mırza Uluǵbek», «Xorezmiy», «Beruniy» hám «Abu Ali Ibn Sino» sıyaqlı topar atları jazılǵan konvertler jabıstırıp qoyılǵan. Hár bir topar ushın san menen 5 oqıwshıǵa mólsherlengen partalar jaylastırıladı. Toparlar emblemasına ilimpazlarımızdıń tariyxta qaldırǵan ullı jumısların kórsetetuǵın súwretler sızılǵan.

«Amir Temur» toparı emblemasına qılısh penen qalqan súwreti

«Alisher Nawayı» toparı embleması ushın kitap hám pátqálem

«Mırza Uluǵbek» emblemasına ay, juldız hám gallaktika

«Xorezmiy» topar emblemasına geometryalıq formalar

«Beruniy» topar emblemasına jer sharı globus

«Abu Ali Ibn Sino» medicina belgisi